蕃茄屋葡式美食

营业中

休息中

澳門蕃茄屋（中檔葡式餐廳）。地址：新馬路連安後巷富安大廈4號及6號地下 電話：+853 28355627人均花費：$51-100營業時間：星期一至日，11:30 - 21:00原來這間餐廳在哪吒廟旁邊的掘頭巷式道路。但招呼不錯，主力售賣套餐，我們點選了 F餐。馬介休以焗薯蓉方式製作，很有馬鈴薯和濃郁芝士味，豬頸肉澆上惹味的鹹中帶微辣的汁，口感相當佳；木槺布丁充滿奶味。😋😋😋😋註：此寶號雖以蕃茄命名，但菜單上以蕃茄為選料則不多。🍅🍅🍅🍅

今日因為同親戚走左去澳門，所以試下呢間葡國菜。環境比較狹窄，但係有兩層樓。當時叫左6-8人餐（＄799），超有澳葡菜特色。當時叫左葡國雞，非洲猪頸肉，馬介休球，咖哩牛腩，蕃茄抄長介休蛋等等，食物非常特同猪勁肉色。當中非常推薦牛腩，馬介休球，馬介休抄飯。牛腩超有澳葡甜咸特色，外加少少辣味，同蒜蓉包一齊食，超香香料味。馬介休球外脆內軟，餡裏面薯容軟滑，裡面仲塞左馬介休，超香咸魚特有海鮮味。就算係抄飯，都非常有咸魚味。猪頸肉喺用通話才特色版嘅非洲汁去焗，發現味道係會辣辣地同香花生味。總之，食物極具特色，價錢比較其他葡國餐廳來講，超級親民。

嚟到澳門當然唔少得要食返餐葡國菜啦🤣因為人生路不熟，所以我哋就咁係Google Map搵吓附近有咩食，咁喎就搵到呢間鋪。唔嚟到都唔知原來呢間經鋪都幾高人氣，星期日既8 9點都仲好多人排隊。今次叫咗佢既H餐，包咗薯絲炒馬介休、咖哩崩沙牛腩、3樣包同飯同埋木糠布甸，我哋自己再加咗份阿里巴巴雞扒。我覺得最好味既係薯絲炒馬介休，薯絲好幼細，所以好香脆，配埋馬介休呢種咁鹹香既配料真係好好送飯🤣但牛腩就唔係舊舊都咁淋🫣但咖哩味都幾香濃，可以一試。阿里巴巴雞扒有大量肉醬同芝士🤣平時鍾意食焗豬扒飯既人都可以試吓🤣

樣樣都好吃，連炒雜菜都唔錯。 崩沙腩真係崩沙腩的部份，是有筋、肉和油花的鬆軟部份，不是普通牛腩，有趙口。一鍋有十多塊，不像香港的只有幾塊，我們一行7人，我吃了4塊，各同伴也有吃。咖喱偏咸，加埋麵包啱啱好。焗飯也不錯，豬扒和雞扒經過高溫在爐烹製後，依然Juicy .能吃到炸豬扒的鬆鬆質感和豬味。反而木糠布甸叫人有少少失望，似奶凍多於布甸，各人口味不同，我更喜歡像雪糕的質感。炸薯仔馬介休最有驚喜，有點似螞蟻上樹下次可以再來，一定要再來。

大三巴附近已有兩間分店，做遊客生意，地方大，唔洗等位。餐牌一目了然，有哂推介菜式，都係大路野。餐廳有啲舊，有啲啲葡式裝修。**白酒煮蜆**蜆的份量都幾多，但好細隻，湯汁比想像中稠，似係好多生粉整成，味道帶酸，裡面有少少檸檬，加埋白酒的果香，整個菜甜甜酸酸，幾特別，但唔夠熱。**馬介休炸球**呢個好好味，味道夠，但又係敗在唔夠熱。炸皮好薄，裡面有薯蓉加魚肉絲。軟綿綿咁，好好食。**咖哩牛坑腩**牛坑腩夠淋夠軟身，雖然用個煲上菜，但完全唔熱，啲咖哩汁唔辣，好快變杰，附送的豬仔包不食也可，又乾又柴。如果行到攰，諗唔到食乜，呢到坐得舒服，價錢公道，但味道可以更好。

四大一細有bb車，我同佢講bb訓緊覺收唔車，佢就話有車要等六人枱，ok，等嘅期間有個廚房佬無啦啦走過嚟話bb車唔可以拎入去，講真，其實一開始唔比車入，點解你又要我地等六人枱？又唔貼張紙係門口列明？好啦，前面嗰枱五個人你地叫其他食客調位讓比佢地，但到我地嗰陣就話無位要等，明明現場好多人都係兩個人坐六人枱都唔肯安排調位，一句到尾，見你有bb車唔想做你生意！唉，企係出面等成半個鐘，到最後都覺得佢地服務態度太趕客走左！呢啲咁樣去歧視小朋友嘅餐廳，唔知你地係咪所有員工都無家庭無囝囡嘅呢？生意唔係咁做㗎！

番茄屋(推介:⭐️⭐️⭐️⭐️⭐️)🍅係好肚餓又要等位嘅情況下見到有人棟起招牌招攬遊客，太肚餓，所以決定就食呢間。原來由大山巴大街行上去店舖，都要行7至10分鐘，仲要係斜路🫣 本身已經好肚餓，仲要行斜路🥹 好彩指示牌好清晰，上到去，排隊嘅人唔多，但都full哂，好彩只係等咗10分鐘就有位🥳 🍅菜式種類好多，而且價錢好平，多朋友一齊食可以試到好多款😋😋🍅推薦菜款: ⭐️葡式白酒煮蜆略鹹，但蜆好厚肉，份量好大，同朋友食極都仲有😂⭐️葡式豬頸肉個汁好岀色，有小小似食緊大陸嘅串燒味。用嘅係新鮮嘅蒜，加秘制嘅醬料，同豬頸肉好Match⭐️葡式咖哩崩沙牛腩(配豬仔包) 崩沙牛腩好淋，淋到仲要好有牛味，必試！⭐️薯仔馬介休略淡味，只係還好。可以再重味啲⭐️忌廉焗馬介休一打開錫紙就聞到好香！雖然有小小乾，但係好足料，好快就俾我地清哂！⭐️葡式雞排焗飯去到最後上焗飯，小編同朋友戰鬥力好強，因為焗飯係有拉絲嘅效果😍 好香，雞扒都好入味道。⭐️木糠布甸(必試!!!)係一定要食，一定要食，一定要食😋好重牛奶味，仲要$20一杯，好抵食😋📍地址：新馬路史山斜巷4號

呢間店已經開業超過廿年歷史，由一開始寂寂無名，到宜家擴張左兩間舖，一直都係走街坊路線， 價錢相宜，材料足，而味道就唔好抱有太大期望。 如果你係已經多次到訪澳門，呢間會係平價葡餐，簡簡單單食一餐既選擇，但如果你係多年無到澳門，期望食正宗葡國菜，呢一間就絕對唔岩你喇。因為味道唔算好正宗，只係用左葡式既材料，所以單純想食葡國菜係可以一試。就好似我之前食過薯蓉焗馬介休以及白油炒蜆，味道係唔錯既。可惜今次試既馬介休炒雜菜，馬介休同葡式腸份量雖然多。但佢推介既阿里爸爸焗雞扖飯，味道係芝士葡汁雞飯，飯底係白飯，個人覺得某連鎖店既焗豬扖飯好食多了，不值一試。就連佢推介既蜂蜜薏米露都只係有薏米，無咩蜂蜜味。總括黎講識揀係好重要的，記得唔好信哂佢既推介，揀返馬介休既食品就好了。另外一提，佢宜家有兩間分店，遠少少果間係老店，坐得舒服得多，新果一間地下只有三張台，多人就要上樓上，所以樓下坐會多人出出入入，唔太舒服。而且裝修都係老店食好d，可以既話一定要行多兩步上去老店食。

好耐無黎蕃茄屋啦～蕃茄屋簡值就係中學嘅回憶～今次黎食晚餐，以葡國餐來說，價錢都算平，但環境同質素一定無高級葡國餐咁好啦。檸檬什飲，什果賓治葡式咖喱崩沙牛腩+豬仔包超級大，質地係唔係好稠個種，但好香咖哩香料味，唔係好辣，牛腩牛味濃同埋都幾軟，會食唔停口！個豬仔包外脆內軟，配埋一齊好正呀～因為太多汁，之後再後加多個豬仔包薯絲炒馬介休上層係脆脆薯絲，下層就係馬介休，有d青椒，葡式腸，蛋炒埋一齊，口感好有趣，同埋出面餐廳未見過葡式阿里巴巴焗雞扒飯聽個名夠晒勁，其實個味就無甜甜酸酸的芝士雞扒飯，一上台個飯熱到支支聲，好多泡泡感覺好正，仲有飯焦但唔夠多汁用黎撈飯今次一共食左$267，食到3個人飽晒～

星期六見悶悶地就諗住試下由香港坐巴士過澳門, 嚟個快閃半日遊. 我同男朋友就想食葡國菜, 係大三巴附近見到依間餐廳嘅招牌, 所以就決定去試下. 我地去到餐廳時大概5點幾, 入面已經有4,5枱客, 但環境算清淨。 而我就發覺原來兩年前我都有同朋友嚟過依間嘢食, 但記得當時我地對d嘢食嘅評價係嘛嘛. 但既然都坐低咗就決定再試下. 我印象中記得上次食佢地嘅啊里巴巴雞好ㄧ般所以今次就試其他菜. 我見menu 入面個豬頸肉好似幾好味所以我地就要咗個D套餐( 有蒜蓉包, 葡式咖哩崩沙牛腩 配豬仔包, 葡式豬頸肉, 白飯ㄧ份, 木糠布甸x2) 我地再額外叫多一份馬介休炒西蘭花.個咖哩同豬仔包嚟先, 開頭覺得d咖哩都ok有咖哩味冇乜特別除咗係稀咗d, 麵包唔算差。 D 飯冇耐就嚟咗...佢地d飯都幾特別... 可以用叉拮住嚟食😂😂之後其餘嘅菜都陸續嚟齊(除咗甜品, 因為係會後上)... 蒜蓉包好味蒜蓉味夠濃, 但就有少少鹹, 但都可接受到。 西蘭花亦正常但碟豬頸肉...真係唔多掂 望落見d肉畀啲芡汁浸住諗住會係帶少少酸酸甜甜嘅味..點知係完全冇味. d豬頸肉簡直係畀啲汁糟蹋咗 同埋食食下d咖哩都變到好

小生第一次去澳門遊行，一心打算試一下葡國菜，所以中午在遊客區見到這鋪頭的分店就跟著指示走到總店。當小生想好點午市菜單首位的「阿里巴巴焗雞扒飯」和「桂圓薑母茶」後，就向一名女侍應點菜。但她回應「等陣」後，就完全忘了小生要點菜。之後小生向一名男侍應點菜，男侍應竟然問「今日星期幾」。過了良久，焗飯上菜。另一名老男侍應上菜後好心提醒「小心熱」。小生吃過後，感覺是芝士加番茄醬焗雞扒飯。好吃是好吃，但好油膩，吃過後都不想其他東西了。所以整天澳門遊行就只吃了這餐。

去開大三巴 諗住係附近搵間餐廳食午餐於是就決定去總店食啦下晝一點幾 間餐廳都幾多人裝修都好靚好有特色 但餐牌設計相對就簡陋左啲🤭叫左個薯蓉焗馬介休（$80）價錢唔平但份量都偏少鹹魚既比例比較多所以整體都偏鹹我地仲叫左個焗雞扒飯（$44）睇食評好似評價唔錯但佢同一般焗雞扒飯都真係無異啲汁亦唔算特別 所以有啲失望總結 如果以正宗葡國菜既標準去睇雖然價錢真係相對平民 但味道就真係麻麻地啦 但當佢係一般餐廳咁睇 都叫不過不失啦

眾所周知！澳門的葡國菜餐廳都係偏貴，但食物質素未必成正比。亦有好多都係名大於實，所以出街食飯都係碰運氣，多人鐘意亦未必好食，只有自己親身體驗先係最真實，往往不抱期望，便不會有太大的失望。這個薯茸並非想像中好食，只係混有馬介休及忌廉的薯茸，味道不算突出，我覺得炸的馬介休應該會比這個好食。葡國雞配有一些雞件、薯仔、切片腸仔等食材及面頭灑了一些芝士粉。它的汁味道還好，適合配上白飯進食，但白飯的份量唔多。蒜茸包算係唔錯既，有濃濃的蒜香及牛油味，熱辣辣。木糠布丁應該係最出色，布丁有濃郁的奶味，不會過甜。以澳門的葡國菜來講，蕃茄屋算係比較抵食，但整體既味道不算突出，以佢既定價算係咁。

話說每星期嚟一次澳門工作，都嚟咗幾個星期，今次都最後一次🈵️，但都未食過葡國菜，所以search吓有咩葡國餐廳，我仲以為都係search到小飛象🐘，小木偶嗰啲🗿er…點知大部分都係講依間蕃茄屋🍅歸納我睇到嘅就係: 澳門人好少會去食，大部分係遊客💺，抵食👍，好食😋。雖然話係遊客食店，但由大三巴行過嚟🚶‍♂️🚶‍♀️都有少少遠，我點零嚟到，有好多人等緊，食完兩點幾，門口都仲有人等緊(相)，行完曬完🌞乜胃口都冇晒，所以叫咗唔多嘢食，不過本身我都唔係食得多😝打開餐牌睇吓有乜食，點知睇到公司自我介紹，發現唔係正宗葡國菜，又有啲非洲菜，又有啲中國菜，原來係 fusion菜😏馬介休球，外脆內滑，都幾好味另外叫咗個招牌菜，阿里爸爸焗雞扒飯，我食落就覺得似肉醬意粉轉飯🍝➡️🍚+雞扒🐓，大家應該估到係咪味，但個雞都幾滑，份量亦相當足有樣嘢真係值得讚，門口啲人周圍坐，店員都會請佢哋坐埋一邊，唔好塞住條路，唔會自私，因為自己要做生意而騷擾其他居民👍👍👍

After a tiring day of sightseeing in Macau, it was lovely to sit down in Tomato and enjoy their quality Portuguese food. We had a couple of Bacalao dishes (traditional Portuguese dishes based on dried cod) and some great potato wedges. I would recommend anyone to dine here during a trip to Macau.