金馬輪咖啡餅店

营业中

休息中

呢個禮拜初大老闆叫我唔駛番氹仔地盤，調番總公司做入政府圖則嘅嘢，所以我嘅「蒲點」由氹仔去番澳門半島。午飯時候去公司附近刮吓有乜嘢地道食品，諗唔到，結果都係去咗食豬扒飽。呢間舖頭一幅大橫額，話自己係正牌澳門豬扒飽，咁我就入咗去領教一吓。 標準配搭，食豬扒飽就一定飲奶茶。冇幾耐奶茶已經奉上檯上。奶茶入口香滑，係屬於上品，以茶香嚟講，比氹仔嘅「大利來」還是差一點兒。不過好肯定比大部分香港茶餐廳所沖嘅奶茶好飲得多。在欣賞奶茶嘅時候，豬扒飽亦都嚟到。食飽，無論係食西式漢堡飽還是中式飽，最忌嘅就係用唔新鮮嘅麵包。與炒飯相反要用隔夜飯炒，用隔夜麵包乾之餘，麵包嘅質地會變得鬆散。呢度用嘅係新鮮麵包，所以吸收咗豬扒嘅汁之後仍然很鬆軟，仲保留麵包嘅香味；豬扒厚薄剛剛好，肉汁亦豐富，不過最攪笑嘅係佢真係將成塊豬扒放上去，即係話連豬扒骨都有。好彩我食得唔擒青，如果唔係牙都咬崩埋。 豬扒飽盛惠十蚊，奶茶七蚊。臨走時經過門口，見到一塊嘢好得意，原來係「奶油夾餅」，咪用咗四蚊買咗一件，不過味道對我嚟講太甜，還是留番俾嗜甜嘅阿K啦！

坐豪華位在船上吃了早餐,不太肚餓,而且這趙船很蕩,風太大,不太舒服,但還是要開始進行美食工程.故坐的士於議事庭前落車正午12時,人多,坐了樓上卡位,點了3個豬扒包,一個椒鹽豬排麵,3杯奶茶(2凍1熱)不用多介紹豬扒包($13),之前都說過,同行友人都說不俗,豬扒很淋!!!椒鹽豬排麵($35),試到了,謝各人陪試,有點失望,麵太多油,豬扒不差,吃到香的淮鹽味,幸好4人同吃,否則沒有胃納再作戰了.

外賣了一個豬扖飽, 買個陣時個女伙記晦晦氣氣(我好有禮貌都佢講), 等了一陣, 取了個飽, 先看其樣, 平平無奇, 個飽唔脆(可能係佢特色), 件豬扖算大件, 但完全唔入味, 豬扖係個飽個靈魂, 加上個無嚟特色嘅飽, 用$13大元買嚟重咩?試過新好利美同大利, 你肯定唔會再試呢間!!

誤打誤撞搵到呢間舖,呢度D豬排包超好食,每次去澳門都一定要食,仲要打孖兩個(都嫌唔夠).Haha.....豬排夠鬆化,有少少骨,個包好脆!!另外,五香肉丁包都好食(男朋友話),學生包就甜甜地,蒜蓉包都OK.奶茶都好掂.每次都想食椒鹽豬排面,見好人叫,好大碟,但每次都因為要食豬排包所以無嗌,搵次一定要試吓.

下晝行行下就貢到呢度，外面咁熱人都暈，急急腳就鑽入來過冷河。聽講話呢度個豬扒包好食，澳門人都話好，就叫咗個，果然來到一陣焗香，包個質地脆，豬扒香嫩，乜汁都唔使加就已經very good。有啲肚餓所以叫咗個雲吞撈，一般，話晒唔係主打菜。叫咗鴛鴦走，不過唔係太熱，飲落去味道差啲。蛋撻新鮮出爐，又係very good。叫完嘢食要準備等一陣先有得食，慢工出細貨係有道理。

星期日去左澳門探朋友,佢地話有一間好好食既豬排包,仲話好食過''大利來''一去到, 見到好多好靚既豬仔包..( 靚到好似假既咁)朋友幫我叫左一個試下.. 個包超''趣'' , 豬排好入味兩樣一齊食真係好正~~~~(真係好食過''大利來''好多, 又唔洗排勁內先有得食~!!!)朋友仲話奶茶都好正, 但因為個日食得太多, 所以無試到..下次一定要再試下!!

我每次過澳門，都會一定去金馬輪咖啡餅店留低腳毛。他們吸引我的除了一杯濃香奶茶之外，仲有就係各式各樣的麵包，而我個人比較喜歡豬仔包和學生包。最近物價不斷上升，許多食肆都紛紛加價，他們也不例外。雖然如此，但是我看過他們的餐牌，價錢都仲可以接受得到，至少比香港便宜得多。那裡地方比較狹窄一點，而且每個月的中旬都會休息一日。在剛剛過去的六月中，我前往澳門拍攝荷花。落左船諗住去嘆個下午茶，點知去到就要摸門釘。