Foodie (已結業)

紫想芋泥相遇吐司 $40睇圖都見到佢好足料😍拎上手都真係重手既！紫薯同芋泥都唔甜，應該係天然冇經後期加工既，仲有啲肉鬆點綴下，即叫即整 個包皮烘到脆脆地咁食勁幸福🥰🥰不過唔知點解佢要落沙律醬😂搞到有啲酸味咁 下次叫應該要走沙律醬 會好食好多！呢到除左芋泥紫薯吐司仲有其他咩牛肉、豬頸肉、肉乾、咸蛋黃同龍蝦吐司☺️又有咸款，又有甜款，唔好芋頭紫薯既朋友都可以呢試下！位置係偏左啲，但佢既食物質素絕對值得回頭！

黎搵食既朋友要好好備一備課😆因為它的位置確係會很容易miss out左!!! 見到兩條樓梯果個位就記得行上去勒 (or 見到愕街個牌對面)🤓 個Toast 好足料, 可以一試😛

專售爆餡吐司，仲有小食同飲品🍵其實佢既位置都幾隱蔽😅因為係條街經過都唔會發現，係要行上一層樓梯望右面先見倒😅----------紫想芋泥相遇吐司 MOP$40個名有冇浪漫既感覺😆個吐司係即叫即整，所以要比啲耐性等🙏拎上手係熱到辣手既地步🔥吐司香脆，餡其實係紫薯泥同芋泥，兩樣都放左好多，好厚😋入面仲保留左少少粒狀，增加口感🙂入口好有紫薯同芋頭既天然香甜味，最重要係加左啲肉鬆係中間，呢個絕對係亮點，令到成個吐司帶有鹹香同埋味道唔會單一得甜味😍----------*呢款吐司係冇乜醬汁，綿羊建議準備定飲料☕

澳門🇲🇴又去澳門了😁喺度睇IG見到有芋泥吐司好吸引😍本身已經鍾意食芋泥，所以一定要試！鋪頭開嘅位置都幾隱蔽，成間鋪主打吐司，叫了紫想芋泥相遇吐司💰40mop同香芋牛奶💰28mop剛剛焗起好辣手 ！材料份量好足😝芋泥紫薯微甜，配上豬肉鬆鹹鹹甜甜幾好食😆整個口腔充滿芋泥，好滿足呀🤩 而杯香芋牛奶，芋泥好多好足料，亦是微甜，不過牛奶同埋芋泥沒有融為一體，芋泥比較重身比較難吸啜😬而且唔夠凍。我的另一半吃了幾啖話一般，原來他不好芋泥，咁我唔客氣啦食埋佢嗰份😝食完充滿碳水的芋泥吐司，飽了好幾小時😆📍Foodie (東望洋)東望洋愕斜巷6-8號花園臺四座清暉閣地下C號舖

去今趟澳門快閃之前，小編係咁碌ig睇吓澳門有乜特色小店可以一試！無意之中發現呢一間叫foodie專賣吐司嘅店鋪，睇相已經佢哋嘅黃金系列吐司深深吸引咗，咁無理由唔去試啦！🤤呢個黃金芋泥肉鬆口味，未食先興奮！餡料份量超級多，對於剛吃完一餐嘅小編黎講，絕對係一個挑戰！😦 味道方面，相當不俗！首當其衝嘅味道係芋泥，感覺冇落糖嘅，超綿滑，芋味十足！其後係鹹蛋味，最後係淡淡嘅肉鬆鹹香⋯🤗 整體感覺就係台灣小食蛋黃芋餅加肉鬆的味道！再加上兩片烤脆咗吐司，口感相當豐富！個人覺得如果芋泥加番嘅甜味，鹹甜鹹甜應該更好味！😙

位於東望洋新街（皇都酒店直入）巴士站入面一間隱世的小店...現裝修成一間小黑屋❤️打卡探店很不錯哦...必吃推介👇🏻✨福地吐司～有豬肉和牛肉選擇用自家製的肉乾夾埋菜和醬汁又fresh又唔油膩由於肉乾本身是乾身..吃豬肉質地薄d～牛肉的話因較厚有咬感怕硬既可選豬肉～另外還有黃金系列吐司～咸蛋黃配上蝦餅或肉鬆都係唔錯既選擇～鍾意吃腐乳既可以試下臭味相投豬頸肉吐司聞到都一大陣腐乳味...食落非常正點～～～