櫻川壽司

营业中

休息中

【澳门】【樱川寿司】今次又做过江龙，同皮蛋哥以及林洪哥走咗去澳门深度闲逛。行行吓去咗三盏灯，肚饿又要谂食乜，澳门菜、葡国菜就成日都食，不如反其道而行试吓日本菜。又真系好少机会喺澳门食日本菜，见到呢间好似唔错就试一试佢。入到去就见到佢哋原来近两年都入围 iFood 嘅「我最喜爱餐厅」里面嘅「我最爱日本菜」，估唔到佢哋咁劲㖞。餐厅走木系风格，好日式，坐得好舒服。舒舒服服就上 $128 嘅「和牛海胆鱼籽可颂」，好特别嘅组合，好味。跟住试 $138 嘅「泡菜鱼杂锅物」，估唔到可以咁配搭，鱼杂加埋泡菜，辣辣哋，完全唔腥，口感又丰富。之后到 $118 嘅「秋蟹马粪海胆丼」系起大闸蟹膏同拆肉出嚟，加埋赤醋饭做出嚟，鲜美丰盈，属于水准之作㖞。跟住试几款模倣墨西哥卷做法嘅 Taco，佢个底系脆炸紫菜同埋赤醋饭，好特别。我哋试咗 $38 嘅「杂锦鱼生」、$42 嘅「帆立贝甜虾」、$32 嘅「吉列棒棒虾」同 $32 嘅「芒果三文鱼」，可以话系各有千秋，总体而言性价比几高。。。（地址：澳门三盏灯光复街2b号三龙阁地下C座）#1amfoodie #foodie #hkfoodie #thatfoodiethin