美麗華餐廳

营业中

休息中

一行4人，安排玩两日嘅第一日晚餐系呢间餐厅解决，之前一星期，我已经通过email订好枱。去到澳门，有当地朋友揸车带我周围玩玩食食，已经食唔停，到晚餐时间，佢送我哋到呢间餐厅后就离开，其实如果自己去呢间餐厅都唔算难揾，坐巴士系鹭环海天酒店（旧威斯汀酒店）站落车，因为我哋食完要自己解决离开返金沙城住，所以一早做好攻略，系巴士站旁有个钭路行落去就系餐厅。言归正传，入到去无耐就嚟一大篮面包比我哋，又因为我哋成日食唔停，为免浪费，我叫佢攞返起一半，因为我怕食完面包都饱晒。我哋叫咗网友话必食嘅「海鲜汤饭」、「八爪鱼沙律」、同「炸马介休」，个海鲜汤饭真系正釞分量真系超大，我哋4人，总共分咗成10碗，都剩返1/4左右份量食唔晒，个八爪鱼沙律够新鲜，炸马介休球系我系澳门食咁多间葡餐最好食嘅一间，真心推介！食饱饱后离开就行返斜路上去马路边，如果去金沙城都唔使过对面马路等车，有两班车可以到，我计过约廿分钟可以到巴黎铁塔🗼，其实都算方便。