禮記雪糕

营业中

休息中

家中每逢有亲友游澳门，带返黎o既手信大多为香蕉糕、杏仁饼、花生糖等，今次我地o既即日澳门美食之旅就大玩反传统，去咗一间怀旧小店「礼记雪糕」度，购买以打计算而又不一样o既手信。据悉，「礼记雪糕」系澳门老字号，所有雪糕全为每天自家新鲜制造，标明不含人造色素或防腐剂，保证真材实料，健康美味。既然团友极力推荐，我地全体人员就睇佢头，一齐买雪糕返香港。「礼记雪糕」格局就好似一间茶餐厅咁，分开咗埋墙卡位、中间圆枱折櫈散座、厨房及正门旁o既收银部四大区域。见我地一大班游客闯入店内，老板娘邝太就亲自上前了解所需，并解释店舖唯一可外卖o既食品为红豆雪条，每枝十二蚊，如果要求大量购买，则可代为以盒包装，以便携带上船。为免雪条溶掉，佢仲非常客气地留底联络电话，提议我地饭后离澳前先返转头提取雪条，「礼记」果然冇改错名，懂得以礼待客！礼记红豆雪条（$12）：当生于澳门o既友人收到红豆雪条作手信时，其喜悦o既心情全表露于脸上，未食已觉怀旧，因望见雪条勾起咗不少儿时回忆。红豆雪条除咗红豆味香浓，内外都可食到大大粒o既红豆，用料认真十足，感觉就好似食紧冰冻o既固体红豆沙咁；哈，唔知依啲算唔算分子料理呢？！