達榮魚翅湯面

营业中

休息中

其实已经系上年既事,不过到依家先有时间打返呢篇食评话说当日同朋友去澳门玩...肚饿之际唔知食咩好...经过见到门口有滔滔既相好似几掂咁啵...加上又想试下鱼翅捞面既奢侈感觉...当时铺头入面得几张台客仔...我同朋友都系叫鱼翅汤面...加半份鱼翅球...鱼翅汤面好快就上左...第一啖面食落去...哗!!!Un到咬唔开咁制!!!仲要好劲枧水味!!!朋友要劲落辣油黎遮遮d枧水味!!!好啦...鱼翅就俾d头头尾尾...即系人地剪鱼翅唔要既个d...虽然我知呢个价钱唔好要求咁多...不过早知系咁我一定唔会黎帮衬啰....因为佢promo既相系完全误导人!鱼翅球...简单黎讲系炸鲮鱼球...一条翅都揾唔到!!!!又系昆水之作!!!!服务方面...可能因为间野有d出名...店员好似真系唔忧做咁!!!!落单叫人...叫左好耐先有人应你...当时一d都唔旺!!!!各位如果想帮衬呢间野...真系要好好考虑下先!!!几廿数用黎食碗仔翅都好过食d人地唔要既下栏货!!!