自助山 (已結業)

圣诞节过澳门玩，廿五号晚订左位庆祝。$288 +10%，价钱一D都唔贵，话哂五星酒店，但食客同食物质素一D都唔系五星质素。首先，食客太多，要排好长龙先有得入。第二，排队乱龙，可以排出几条队，几个人排第一。第三，食客(香港客)争先恐后，有人想出手打人... 未开始食已经唔开心！餐厅太大，食物集中哂系一边，好难排队，有排都攞唔到野食，搞到好似饿狗咁，个个只碟都堆到成座山咁，阴公... 食物的确系好多选择，但质素一般，最好既系甜品，chocolate mousse cake 有惊喜，好soft，甜度咁咁好。最衰系鱼生同炸生蚝，两样都唔新鲜！呢间自助山试一次就算，唔会尊登再去！