影片
更多
2018-08-21
5846 浏览
今次黎到澳门就系为左试下呢间新开业不久，但已声名远播既Alain Ducasse at Morpheus. 曾获米芝莲星星既Alain Ducasse今次系澳门插旗，传闻仲话佢劲过Joël Robuchon系澳门既天巢，好奇心驱使下一于黎挑战下！事先声名小妹并不是专业食评家，只系业余钟意食好野，无系餐牌上既前菜名，佢用一啲法式英文讲我听我真系唔太听得明，如有不足敬请见谅。讲番餐厅嘅环境，系有啲惊喜，由Reception带你入到去餐厅，个啲好靓既白色灯柱沿路都系，好科幻好迷宫，真系好似拍戏𠮶啲场景咁。不过楼底有啲矮，所以有啲压迫感，都系天巢有气势得多！一坐低佢就会推架餐酒车埋黎介绍佢几支酒比你，再问你饮边支，无从拒绝。真系以为佢系请我饮，咁紧系唔系啦！我地要左杯Private Label($188)同Rose($360)，都好饮既，特别系佢知Private Label真系好唔错。比起Rose佢比较抵饮。下面张相系Rose,无影到Private Label。倒完杯酒，就上餐前小食。有炸(or焗？)菠菜小云呑，𥚃面系碎菠菜馅，味道淡淡地。仲有鱼生配脆片，块脆片只系咸咸地无咩味。食完小食就会拎
事先声名小妹并不是专业食评家，只系业余钟意食好野，无系餐牌上既前菜名，佢用一啲法式英文讲我听我真系唔太听得明，如有不足敬请见谅。
讲番餐厅嘅环境，系有啲惊喜，由Reception带你入到去餐厅，个啲好靓既白色灯柱沿路都系，好科幻好迷宫，真系好似拍戏𠮶啲场景咁。不过楼底有啲矮，所以有啲压迫感，都系天巢有气势得多！
一坐低佢就会推架餐酒车埋黎介绍佢几支酒比你，再问你饮边支，无从拒绝。真系以为佢系请我饮，咁紧系唔系啦！我地要左杯Private Label($188)同Rose($360)，都好饮既，特别系佢知Private Label真系好唔错。比起Rose佢比较抵饮。下面张相系Rose,无影到Private Label。
Pol Roger Rose
$360
445 浏览
0 赞好
0 留言
倒完杯酒，就上餐前小食。有炸(or焗？)菠菜小云呑，𥚃面系碎菠菜馅，味道淡淡地。仲有鱼生配脆片，块脆片只系咸咸地无咩味。
食完小食就会拎餐牌比你，不过我地系email订位所以一早睇左个餐牌可以即刻落单。一场黎到紧系叫Signature Menu！
落左单无耐就有人推架面包车过黎，系你面前好用力咁挖呢旧特制既新鲜法国牛油。可能我哋系第一枱，旧牛油又喺雪柜拎出嚟冇耐，佢挖到面都红晒，真系辛苦佢咯！呢架车上另一位主角系呢块由法国新鲜运黎唔知有几多谷既面包（应该多过十谷！）每人只有一少片，应该好名贵。不过片多谷包又真系真材实料，”实的的”的，好饱肚！不过真系好麦好谷，唔系人人岩食。之后先再拎第二盘面包出黎，有软包同小法包2款，选择比较少。盆面包砌得好靓，好似艺术品咁。
跟住会有青豆冻汤，系一碗充满住青豆既糊仔。钟意青豆既你一定会钟意！
青豆冻汤
259 浏览
0 赞好
0 留言
成晚既重头戏就系跟住呢碗名贵既地中海红虾冻配金鱼子酱。单叫价值1000蚊一份！餐牌话signature menu既佢只系半份，但已经好够喉。一圈厚厚既金鱼子酱，被冻汤啫喱围住，下面仲有好多既地中海红虾剌身，虾刺身被虾膏酱覆盖着，呢个配搭系一绝既，好鲜甜好好味！不过本人觉得Robuchon既鱼子酱好食啲。
Pol Roger Rose
$360
445 浏览
0 赞好
0 留言
食完鸭肝，之后有活缔手线捕海鲈连鱼鳞、翠玉瓜。鱼啰，唔系特别出色。个堆绿色野系啲蔬菜啰，无乜美感。
Steamed duck foie gras, cherry-rhubarb, toasted brioche & Line-caught sea bass, violon courgettes and redcurrant, cooking jus
188 浏览
0 赞好
0 留言
佢地上菜动作 好优雅好齐，两个人一人一碟放上枱再一齐揭开个盖，好齐，几好睇嫁其实！
我地有个唔食牛，大厨就煮左碟羊。应该系焗羊排配肉汁，我觉得呢个系成晚最好食！
呢旧羊肉有羊肉该有的膻味，个块皮烤得特别香脆可口，同烧腩仔个层皮有几分相似，不过系薄身版！真系超超超好食！系我食过最好食既羊肉呀！
另外香煎牛仔肉、鸡油菌、番茄，有牛肉味既，但无惊喜。
Roasted saddle and chop of lamb, green peas, eel, cooking jus & Seared farm veal chop, girolles and tomatoes
336 浏览
0 赞好
0 留言
甜品之前仲有芝士拼盆，就4款芝士，我净系知道Blue Cheese，其他都听唔到系咩，仲有孜然，莓酱同蜜糖比你配著芝士食。盛载既器皿好别致！
CHEESE
178 浏览
0 赞好
0 留言
甜品有2款：
先有草莓及覆盆子，鲜忌廉芝士雪芭，普通雪芭一杯，混感草莓酱同有新鲜大大粒覆盆子垫底。
跟住有咖啡、巴黎自家厂房朱古力、烤荞麦。佢用左一大篇幅介绍呢个甜品，有云呢拿雪糕，雪糕下面有啲可可咖啡粒，苦苦的同雪糕一齐食味道好夹好有口感！但其实主角系个可可壳！佢地既朱古力系喺巴黎自家朱古力厂房制造，咁个壳就系自家厂房加工运过黎，有个自家可可园咁话！但无得拎走既。
右下角个块朱古力系你食完甜品饱到呕既时候拎出黎，系Alain Ducasse at Morpheus个Logo，当然都系自家朱古力厂制造！拎到埋黎系你面前切比你睇，食下又好好食㖞！系黑朱古力，𥚃面系啲碎左既咖啡豆，有口感好好食！真系好好食！可惜我真系饱只能食到2小块，食唔哂，但佢唔会比你拎走.....只限堂食咁话。好浪费姐....
Coffee and chocolate from our Manufacture in Paris, toasted buckwheat & Strawberry and raspberry, fromage blanc sorbet
143 浏览
0 赞好
0 留言
走既时候会送过一小盒Alain Ducasse自家法国巴黎朱古力厂既朱古力比你带走，一盒11粒唔同味既，几好食嫁。不过我比较怀念个一大块堂食朱古力！
Roasted saddle and chop of lamb, green peas, eel, cooking jus & Seared farm veal chop, girolles and tomatoes
336 浏览
0 赞好
0 留言
埋单$4831.2，试过就好啰，并不如传闻中美好，我还是比较偏爱Joël Robuchon！
Mediterranean gamberoni delicate gelée, gold caviar
$998
166 浏览
0 赞好
0 留言
张贴
