譚家魚翅

营业中

休息中

来到福隆新街想食返碗翅，太耐冇来，古老的街道由红变绿。本身想去的添发排长龙，见周围都系谭家鱼翅，话时话未帮衬过，趁今次试下，点知就中伏！门面售卖鱼翅等干货，行入点就系餐厅( 因为打通)，我哋4人即有位，入座等左成10几分钟都冇人招呼，催左3-4次比壶茶都冇反应，每位收$6茶钱但一壶茶都冇😡！个场又唔系好多人都咁款，之后比壶茶又冇茶叶得水😵！咩料呀大佬！个职员仲要黑面。张枱得一个餐牌，散叫嘅碗仔翅果个餐牌又冇，之后去左隔离枱拎另一个餐牌先有即点餐（有一刻怀疑想局人地点小菜同Set)。石窝中鲍翅，$55，热腾腾，份量适中，味道上，翅的确系有嘅，两条，味道就真系唔掂，重味精嘅粉水⋯食完仲要好口喝，唔好食。真系差的一间，唔怪之得冇人排，唔好食唔值呢个价态度又差好赶客。