影片
更多
2023-07-11
2297 浏览
新鸿发美食 Xin Hong Fa📍 澳门筷子基南街宝翠花园利耀阁地下439号同朋友喺澳门食嘅第一餐就系人气高企嘅茶记新鸿发，我细细个就有食，不过一直都系去高士德𠮶间，今次搭车沿路见到筷子基有分店，比较就脚，所以就同朋友入去叫咗啲嘢嚟食。 💰$28.5法兰西多士 🍞虽然食过好多次新鸿发，但印象中好似无食过佢嘅名物法兰西多士，带住个游客，当然要试一试啲热推食物啦！个人认为呢个法兰西多士咁受欢迎主要系有三个原因，分别系价钱平、份量大同适合打卡。先讲价钱，一份咁大份嘅西多士，整叫即整，上枱时牛油仲系半溶，都只系$30有找，真系抵到烂！其次系份量，我屋企人知我哋食咗呢个西多士，笑我哋食咗成半磅面包落肚，最得人惊嘅系佢唔系空气面包，面包足料厚实，中间夹住嘅花生酱比较之下，睇落好似好薄咁，其实都唔惹小，好饱肚，食咗真系食唔落饭。最后就系佢嘅size真系非常惊人，无论就咁影定切开嚟影都够晒吸睛！讲咗咁耐，我同朋友食完觉得点呢？我哋大家都觉得如果有至少三、四个人一齐食饭，叫一个嚟share系推荐嘅。但如果好似我哋咁得两个人食，就会食得比较吃力，去到后半部份直头系要猜枚决定边个食，所以唔太建议两个人又叫
📍 澳门筷子基南街宝翠花园利耀阁地下439号
同朋友喺澳门食嘅第一餐就系人气高企嘅茶记新鸿发，我细细个就有食，不过一直都系去高士德𠮶间，今次搭车沿路见到筷子基有分店，比较就脚，所以就同朋友入去叫咗啲嘢嚟食。
[价钱 Price]
💰$28.5
法兰西多士 🍞
虽然食过好多次新鸿发，但印象中好似无食过佢嘅名物法兰西多士，带住个游客，当然要试一试啲热推食物啦！个人认为呢个法兰西多士咁受欢迎主要系有三个原因，分别系价钱平、份量大同适合打卡。
先讲价钱，一份咁大份嘅西多士，整叫即整，上枱时牛油仲系半溶，都只系$30有找，真系抵到烂！其次系份量，我屋企人知我哋食咗呢个西多士，笑我哋食咗成半磅面包落肚，最得人惊嘅系佢唔系空气面包，面包足料厚实，中间夹住嘅花生酱比较之下，睇落好似好薄咁，其实都唔惹小，好饱肚，食咗真系食唔落饭。最后就系佢嘅size真系非常惊人，无论就咁影定切开嚟影都够晒吸睛！
讲咗咁耐，我同朋友食完觉得点呢？我哋大家都觉得如果有至少三、四个人一齐食饭，叫一个嚟share系推荐嘅。但如果好似我哋咁得两个人食，就会食得比较吃力，去到后半部份直头系要猜枚决定边个食，所以唔太建议两个人又叫主食又叫西多士，一个人更加唔好，除非你系大胃王！
[价钱 Price]
💰$40
鸡扒烩通粉 🥣
今餐嘅戏肉系呢个鸡扒烩通粉，我每次去到新鸿发都会叫嚟食咁济！我知道近排好多人都有介绍呢间茶记，主力都系推介佢哋嘅炒物，例如炒面同炒通粉。的确佢嘅炒物系好够镬气好出色，但我自己比较钟意食落无咁油无咁热气嘅烩通粉。烩通粉个酱汁食落其实好似快餐肠蛋饭𠮶个汁咁，但配落通粉度食都出奇哋夹！每一粒通粉都有酱汁包裹住，好好食！鸡扒块皮煎得好香脆，鸡肉唔多汁但嫩滑，又系一值得推介嘅配料。如果净系拎个烩通粉嚟俾分，我会俾佢5粒星，因为无论食几多次都系觉得咁好食！
[价钱 Price]
💰$18
咸柠檬蜜 🍋
全靠呢杯饮品，我哋先KO得晒个西多士喳！个包食得耐会觉得好干，呢杯冻冰冰嘅咸柠檬蜜就非常解渴，佢落咗原个咸柠檬去冲，所以味道好浓，加埋甜甜哋嘅茶蜜饮，喺太阳下暴晒完饮真系透心凉！
张贴
