影片
更多
2015-09-21
9613 浏览
由2014年开始跃升成为澳门米芝莲三星, 长期打入澳门开饭排行榜头几名位置, 8 嘅实力当然无可置疑. 喜欢去 8 系因为环境同食物质素都好高, 到现时为止, 8 系每次到澳门时必到嘅餐厅.以中菜厅嚟讲, 8 嘅座位唔算多, 但就算座位唔多, 枱与枱都有适当嘅距离, 坐得舒适之余, 亦没有一般中式餐厅嘅喧闹嘈吵. 这一点好奇怪, 唔知系咪好彩, 一般嚟讲, 中式餐厅系会比较热闹同嘈吵, 但每次去 8 都唔会有咁嘅情况, 所以系其中一个钟意去嘅原因. 服务当然唔驶讲啦, 咁样级数嘅餐厅系唔会有人对你视而不见, 避开为你服务的. 相反, 就算佢哋好忙, 都会 keep 住礼貌同笑容为你服务的. 虽然价格同之前比有所调整及提升, 但与香港同级数&同质素嘅相比, 依然觉得物有所值. 因为当日想食点心多啲, 所以冇叫小菜. 未上点心/菜前, 餐厅会送上餐前小食 : 前 - 黑豚肉粒盏, 后 - 柚子鲍鱼 啲肉切到咁细粒, 系咪黑豚就食唔出啦, 不过连同个脆盏一齐啪, 脆脆嘅口感, 都几好食. 至于柚子鲍鱼, 细细只, 但连同底下个层柚子啫喱一齐放入口咬, 阵柚子味好香, 又甜, 又好咬, 得一只
喜欢去 8 系因为环境同食物质素都好高, 到现时为止, 8 系每次到澳门时必到嘅餐厅.
以中菜厅嚟讲, 8 嘅座位唔算多, 但就算座位唔多, 枱与枱都有适当嘅距离, 坐得舒适之余, 亦没有一般中式餐厅嘅喧闹嘈吵. 这一点好奇怪, 唔知系咪好彩, 一般嚟讲, 中式餐厅系会比较热闹同嘈吵, 但每次去 8 都唔会有咁嘅情况, 所以系其中一个钟意去嘅原因.
服务当然唔驶讲啦, 咁样级数嘅餐厅系唔会有人对你视而不见, 避开为你服务的. 相反, 就算佢哋好忙, 都会 keep 住礼貌同笑容为你服务的. 虽然价格同之前比有所调整及提升, 但与香港同级数&同质素嘅相比, 依然觉得物有所值.
因为当日想食点心多啲, 所以冇叫小菜.
未上点心/菜前, 餐厅会送上餐前小食 : 前 - 黑豚肉粒盏, 后 - 柚子鲍鱼
啲肉切到咁细粒, 系咪黑豚就食唔出啦, 不过连同个脆盏一齐啪, 脆脆嘅口感, 都几好食. 至于柚子鲍鱼, 细细只, 但连同底下个层柚子啫喱一齐放入口咬, 阵柚子味好香, 又甜, 又好咬, 得一只真系唔够.
餐厅送的餐前小食
128 浏览
1 赞好
0 留言
金鱼造型好得意, 蓝天使虾好爽甜, 成只饺都系虾, 啖啖虾肉好满足.
蓝天使虾金鱼饺
228 浏览
1 赞好
0 留言
强推 ! 真系好好食, 食咗N次都冇次失手. 脆香即系煎, 煎叉烧包. 第一次食时真系谂都冇谂过咩系煎叉烧包. 其实叉烧包系可爱小箭猪造型, 但因相片数量所限, 同应该其他食家可能都有箭猪叉烧包相, 所以决定剩系比个底大家睇. 叉烧包底煎得金黄香脆又唔油, 底脆之余个面依然 keep 住软垫, + 上热热哋嘅叉烧馅, 真系好味到试过一次自己'队'哂一碟(3只).
脆香叉烧包(底部)
115 浏览
1 赞好
0 留言
'渍' 即腌制嘅意思, 可用醋, 盐或米糠等等. 青瓜渍即系腌青瓜, 配上叉烧做成叉烧肠, 少少咸咸的, 比平时嘅叉烧肠少咗啲啲肥腻感, 都几有趣.
日本青瓜渍叉烧肠
128 浏览
0 赞好
0 留言
将薯蓉, 蟹肉同少少西芹捞埋, 再 + 成只虾一齐煎. 虾味比其它2种材料重, 口感丰富, 又系啖啖肉之选.
薯蓉蟹饼琵琶虾
117 浏览
0 赞好
0 留言
造型为主, 味道就系一般瑶腊味萝卜糕味, 不过不失, 但同其它点心比就普通咗.
瑶柱蒸鱼形萝卜糕
93 浏览
0 赞好
0 留言
餐厅职员推介. 味道与想像不同, 龙虾肉够爽但唔够鲜甜, 龙虾肉味亦唔强, 只算 ok 好味, 及一试无妨.
龙虾小龙包
67 浏览
0 赞好
0 留言
相中嘅乳猪焗饭系切件后嘅样. 乳猪烧得皮脆肉嫩, 配上酱油腊味饭同焗, 饭吸收咗猪嘅肉味, 猪又吸收返腊味嘅香味, 两者同吃, 又香, 又脆, 又软, 又惹味. 唯一美中不足嘅地方系啲饭唔够热, 如果啲饭可以再热啲会更 + 好食.
原只乳猪焗饭(已切件)
126 浏览
0 赞好
0 留言
就算食到几饱都好, 点都一定会叫埋个杏仁茶食. 杏仁茶香滑得嚟唔太甜, 杏仁味浓, 燕液份量都唔算少.
燕液蛋白杏仁茶
74 浏览
0 赞好
0 留言
布甸又香又滑 : 白芝麻布甸比较滑, 但芝麻味冇咁重 ; 黑芝麻布甸芝麻味香, 但冇咁滑, 两者摆埋一齐, 就又香又滑. 至于芝麻雪糕, 雪糕面上 + 咗好多黑芝麻粒, 连埋超脆饼底一齐食, 又冻, 又脆, 好有咬口.
黑白芝麻布甸配芝麻雪糕
96 浏览
0 赞好
0 留言
奶茶及燕液椰果杏汁糕
奶茶超甜但茶味好浓, 感觉似系拉茶, 燕液椰果杏汁糕造型漂亮, 花朵上铺上金箔同燕液, wow ! 好矜贵呀 ! 斋睇未食都觉得靓咗 ... (讲笑) 杏汁糕杏汁味淡淡的, + 上烟烟靱靱嘅椰果同滑嘟嘟嘅燕液, 甜甜的, 为美味嘅一餐画上完满嘅句号.
餐厅送的餐后甜品
68 浏览
0 赞好
0 留言
张贴
