雅憩花園餐廳

营业中

休息中

由老远的大马路坐成个半个钟巴士就系为左来呢道食我地今次马交之旅既最后一餐﹗地点在教堂外，虽然有点格格不入不过确又几有特色，6:15就入坐咁岩有张二人台，估不到不消一会已全场爆满劲多人在等位﹗唔洗讲咁多先叫一jar Sangria，入口Rum味浓，好多生果，饮落都几ok，唔会只有汽水味是我对Sangria最重要的要求﹗其实今日食左成六七餐真系几饱，所以只系点左个烧墨鱼，6:30pm落order 7:30pm都未到，见到人地0的野食系咁上，真系.....最后吹左两次先发现漏单，之后7:45先上台，真系嬲嬲地。在等待的时间睇到出菜的多是咖哩蟹，好大只好似好好味，如果下次可以多0的人来一定要叫来试下﹗烧墨鱼虽然等得耐，不过真系好味，食落充满炭香不干身，好有咬口弹牙，沾少少辣椒仔食真系人间极品﹗呢个值得一食呢﹗之后再点多个蒜蓉芝士青口，都系等左成半个钟，青口大只不韧，满口青口的少少海水腥味加蒜泥香是最可爱的﹗呢道环境露天好热闹，相信多0的人来饮下酒食下野一定好气氛，虽然只系点得两个送，不过好满足。