影片
更多
2017-03-19
2324 浏览
今日同朋友过嚟澳门本来就想去摘星的，本想摘的是四季酒店入边嘅其中一粒星，但系最近嘅车就要去到巴黎人自己再行过去。点知上巴黎人嘅巴士之中，有人会派有一张抽奖咭，其中一个抽中左巴黎人入边两间餐厅嘅八折优惠，朋友即刻话有八折冇可能唔去。所以摘星之旅改做八折之旅。入面两间餐厅，一间系上次食过的御莲宫，另一间就系呢间法国餐厅，御莲宫上次试过感觉几好，今次就试吓呢一间法国餐厅。差唔多一点钟嘅时间，人唔多，只有两三台人喺度食紧，位置阔落，四四方方，餐厅装修有些微嘅古典风味，感觉舒服。午市有＄168同埋＄198嘅午餐，有主菜，有小食，但系我都冇拣到，拣咗散点，选择可能会比较多啲。咁首先第一个就嚟咗一个冷式拼盘，拼盘入边有两种唔同嘅巴拿马火腿，三种唔同味道嘅沙乐美火腿，仲有一个干邑鹅肝，有两块无花果面包同鸭肉酱。亮点系呢一个鸭肉酱，佢入边完全系用鸭脂肪同埋鸭肉来制造，食落去味道好甜，鸭味浓，质感似牛油，揸上个无花果多士上面食，简直一流。另外仲想提一提个就系𠮶个干邑鹅肝，朋友仔就话呢个冇得顶，因为出面好小会加干邑，加上去超正。可能我个人就唔系咁钟意饮酒，所以觉得个味道太啃，但系鹅味都仲有嘅。另外就仲叫咗个
点知上巴黎人嘅巴士之中，有人会派有一张抽奖咭，其中一个抽中左巴黎人入边两间餐厅嘅八折优惠，朋友即刻话有八折冇可能唔去。所以摘星之旅改做八折之旅。
入面两间餐厅，一间系上次食过的御莲宫，另一间就系呢间法国餐厅，御莲宫上次试过感觉几好，今次就试吓呢一间法国餐厅。
差唔多一点钟嘅时间，人唔多，只有两三台人喺度食紧，位置阔落，四四方方，餐厅装修有些微嘅古典风味，感觉舒服。
午市有＄168同埋＄198嘅午餐，有主菜，有小食，但系我都冇拣到，拣咗散点，选择可能会比较多啲。
咁首先第一个就嚟咗一个冷式拼盘，拼盘入边有两种唔同嘅巴拿马火腿，三种唔同味道嘅沙乐美火腿，仲有一个干邑鹅肝，有两块无花果面包同鸭肉酱。
亮点系呢一个鸭肉酱，佢入边完全系用鸭脂肪同埋鸭肉来制造，食落去味道好甜，鸭味浓，质感似牛油，揸上个无花果多士上面食，简直一流。
另外仲想提一提个就系𠮶个干邑鹅肝，朋友仔就话呢个冇得顶，因为出面好小会加干邑，加上去超正。可能我个人就唔系咁钟意饮酒，所以觉得个味道太啃，但系鹅味都仲有嘅。
另外就仲叫咗个炸芝士，除咗有三条都几大嘅芝士之外仲会有沙律。沙津菜新鲜，配醋汁，味道可以。但系个炸芝士，本人就真系唔识欣赏，佢唔系普通嘅奶白色芝士，系透明味道比较重嘅臭芝士，如果爱食芝士嘅可能会中意。
其实食到呢度两个女仔已经非常之饱架啦，但系就真系好为食，叫多一个两人份量嘅酸菜五花腩，德国肠同埋猪手。比较幼身嘅就系普通嘅肠仔，另外就系𠮶条超大嘅德国肠，佢入面嘅肉汁仲保留得几好，切开嘅时候汁流出来，外面嘅衣好脆。
仲有系五花腩同埋猪手，整到非常之淋，食落去冇煎嘅味道，系一种家庭炆嘅味道，又唔系话唔好食，但又唔系话超级好食，中中等等啦。
另外总会有一大堆嘅酸菜喺底，酸酸地好开胃，而佢就多咗啲肉汁香，几好。食咗咁多野，仲要打包埋，两个人嘅价钱都系四百几，喺五星级酒店度食嘢嘅价钱来讲，绝对系性价比高，仲要服务到位，有礼貌，不错。
张贴
