影片
更多
2023-09-09
4128 浏览
之前去澳门玩都试过好几间葡国菜，听讲都几出名，不过都唔算特别好食。谂住今次去玩俾多最后一次机会去试葡菜，好彩最后有试到呢间婆仔屋1601，俾我哋都有机会食到好味的葡国菜。餐厅位于澳门荷兰园，系一个富有旧时葡萄牙殖民地的气息，四周围都系旧时黄色嘅欧式屋仔，好有特色。讲番野食，首先店员会上一篮小法包作为前菜，配有橄榄蓉俾我哋搽，法包略微偏硬，好彩我哋倒左啲初榨橄榄油黎点，呢个食法都几好食。今次我哋两个人叫左两个𩠌，分别系焗鸭饭同辣汁烧鸡。个焗鸭饭好得意，啲饭焦主要集中系表面，应该最尾攞左入焗炉焗脆左个表面，啲鸭肉就撕碎左捞埋系个饭入面，个饭有捞到酱汁(唔知系咪豉油)，食落都有小小似港式腊味饭，而且有啲烟肉同葡式辣肉肠铺左系面，岩岩上碟果阵见到连同饭焦一齐焗到啲油磁磁咁响，令人好有食欲。最后要介绍嘅就系辣汁烧鸡，虽然餐牌写需时25分钟，但实际只需要大约15分钟左右。第一感觉系份量唔小，有半只鸡，而且配菜有薯片。啲薯片似炸起无耐，非常香脆好食！只烧鸡都烧到岩岩好，皮脆肉嫩，咬落口仲有汁留出嚟，非常juicy，点鸡个酱汁系非常之辣，唔知系咪有落到魔鬼椒果啲，连个店员都特登同我哋讲话好辣叫我哋唔好
餐厅位于澳门荷兰园，系一个富有旧时葡萄牙殖民地的气息，四周围都系旧时黄色嘅欧式屋仔，好有特色。
讲番野食，首先店员会上一篮小法包作为前菜，配有橄榄蓉俾我哋搽，法包略微偏硬，好彩我哋倒左啲初榨橄榄油黎点，呢个食法都几好食。
餐前法包
77 浏览
0 赞好
0 留言
今次我哋两个人叫左两个𩠌，分别系焗鸭饭同辣汁烧鸡。个焗鸭饭好得意，啲饭焦主要集中系表面，应该最尾攞左入焗炉焗脆左个表面，啲鸭肉就撕碎左捞埋系个饭入面，个饭有捞到酱汁(唔知系咪豉油)，食落都有小小似港式腊味饭，而且有啲烟肉同葡式辣肉肠铺左系面，岩岩上碟果阵见到连同饭焦一齐焗到啲油磁磁咁响，令人好有食欲。
焗鸭饭
$198
128 浏览
0 赞好
0 留言
最后要介绍嘅就系辣汁烧鸡，虽然餐牌写需时25分钟，但实际只需要大约15分钟左右。第一感觉系份量唔小，有半只鸡，而且配菜有薯片。啲薯片似炸起无耐，非常香脆好食！只烧鸡都烧到岩岩好，皮脆肉嫩，咬落口仲有汁留出嚟，非常juicy，点鸡个酱汁系非常之辣，唔知系咪有落到魔鬼椒果啲，连个店员都特登同我哋讲话好辣叫我哋唔好点太多。
辣汁烧鸡
$188
104 浏览
2 赞好
0 留言
整体而言，我哋都觉得呢间餐厅水准唔错，呢个质素黎讲价钱唔算特别贵(特别对比香港)。不过由于我哋都无试过系葡萄牙当地食葡国菜，而且对呢个国家嘅菜色无咩研究，因此评论唔到正唔正宗，总之系好食嘅！餐厅有葡萄牙殖民时代特色，走高级路线，店员大部分都唔识讲中文，要以英文沟通，而且都好有礼貌，所以都十分推荐！
张贴
