贏到粥

营业中

休息中

嚟到澳门两日一早就book定呢一间餐厅因为最近超级红。一行四个人我哋就叫咗一个卜卜蚬，原本仲谂住叫Wasabi手撕鸡点知冇book到就冇得食。先讲下𠮶个个锅，充满着好多好多只蚬，佢真系只只入边都有好肥美嘅肉而唔会系净系得个壳而且好新鲜唔会有沙上边充满住好多嘅蒜头粒仲有红辣椒，好惹味呢一个绝对系必食啊食到停唔到口。之后我哋再嗌左其他嘅火锅配料我哋嗌左呢个墨鱼滑，娃娃菜仲有新鲜肥牛同鱼片。啲肥牛肥瘦适中而且牛肉味真系好正，个鱼片冇骨怕，啱晒我呢啲成日哽亲嘅人😂😂个娃娃菜浸左系呢个充满蒜头味嘅汤底入边变得格外好食，个墨鱼滑都唔差。食到咁上下职员同我地讲有客人取消咗佢哋手撕鸡嘅order所以我哋之后又有得食啦。一嚟到wow超级大碟，Casual香港食到𠮶啲完全唔同佢Wasabi嘅味好够刺激食一啖已经有流泪嘅感觉但系超级爽而且佢系配上炸芋头极级match，啲鸡肉就唔使讲啦好滑亦都好够味成件事食完系一种幸福嘅感觉。呢间餐厅真系算价钱合理而且质素高所以真心值得推介。但系建议黎食嘅朋友先提早预约。