澳門斯樂芙 (已結業)

喺芝士工房嘅附近就会见到呢间Pastry Snaffle's，其实旧年佢地都曾经喺K11短期租约形式摆卖过。始创于北海道函馆市，听讲佢地嘅catchcakes® 有北海道第一芝士蛋糕嘅美誉。呢度除左供应芝士蛋糕，仲有北海道软雪糕。店员明显比起芝士工房嘅热情、有礼，主动问客人试唔试食芝士蛋糕。本来我都想试，但朋友食左一小块话觉得普通，所以我打消左念头，专注食番雪糕。北海道5.4极上牛乳软雪糕 $38（加$20可配一件芝士蛋糕，会放喺雪糕上）喺香港食过3.6牛乳，亦都试过两间8.0牛乳，喺浓度上确有分别。今次呢只5.4真系第一次食牛乳味香浓，食落奶味确系比3.6重啲，不过甜度较高。雪糕质地唔算好滑溜，亦都唔系好厚实，溶嘅速度惊人。衡量番价钱，几十蚊食到杯牛乳雪糕都可以一试，因为份量都几多架