影片
更多
2011-03-28
1145 浏览
大家都知细龟已结业, 我唯一会食干炒河的地方, 人生只食过2次, 没了...某日因北上工作而早起, 亦因此攞左一份好多阿婆会抢既"地铁免费报", 刚巧就在我出发过马交前几天...有笔者介绍镬气十足的炒面, 不只细龟, 还"可以一试"荷兰园公仔记.酒店CHECK OUT后, 在花旗骰台上很快输掉$300, 很伤心耶...心息过后想话快脆撘的士去食第一餐, 的士司机唔识岗陵街, 更唔识公仔记(仲以为好出名), 最后佢晌荷兰园掉低我们.不妙, 首先地图上只有三盏灯, 不见荷兰园岗陵街, 眼前的"荷兰园"就好似一条无尽头既弥敦道!更正, 是小猫三四只, 冇乜舖头开既冷清清马路... 找个人都难, 别说找一间未去过的舖头...幸好遇见一名交警, 得佢指示先知岗陵街应该向左走而不是向右走!佢仲话, "离呢度好远㖞!" 真.大.学...唔错都错左, 唔黎都黎左, 几大就几大, 向住应该有的目标前进吧...落斜上斜落斜...条街终于旺番少少, 已经流紧大汗!(果日SUPPOSE有点凉, 我著左件军褛)再遇贵人, 系一间青少年中心既职员(妹妹仔), 佢唔识岗陵街, 但识公仔记, 仲有, "麻麻地咋㖞",
某日因北上工作而早起, 亦因此攞左一份好多阿婆会抢既"地铁免费报", 刚巧就在我出发过马交前几天...
有笔者介绍镬气十足的炒面, 不只细龟, 还"可以一试"荷兰园公仔记.
酒店CHECK OUT后, 在花旗骰台上很快输掉$300, 很伤心耶...
心息过后想话快脆撘的士去食第一餐, 的士司机唔识岗陵街, 更唔识公仔记(仲以为好出名), 最后佢晌荷兰园掉低我们.
不妙, 首先地图上只有三盏灯, 不见荷兰园岗陵街, 眼前的"荷兰园"就好似一条无尽头既弥敦道!
更正, 是小猫三四只, 冇乜舖头开既冷清清马路... 找个人都难, 别说找一间未去过的舖头...
幸好遇见一名交警, 得佢指示先知岗陵街应该向左走而不是向右走!
佢仲话, "离呢度好远㖞!" 真.大.学...
唔错都错左, 唔黎都黎左, 几大就几大, 向住应该有的目标前进吧...
落斜上斜落斜...条街终于旺番少少, 已经流紧大汗!(果日SUPPOSE有点凉, 我著左件军褛)
再遇贵人, 系一间青少年中心既职员(妹妹仔), 佢唔识岗陵街, 但识公仔记, 仲有, "麻麻地咋㖞", 心都淡埋...
好喇, 揾到条街喇终于, 但只系另一条冷清既住宅大厦街巷, 公仔记呢?又逼住再问人, "花档再转入去!"哗, 上埋楼丫笨...
真系终于终于终于揾到喇, 救命, 我要食晏呀!
厚切西多, 糖胶, 好味!
炒斋面$14, 系"地铁免费报"笔者推介之一, 好似我地粥品店既炒面, 当然... 公仔记好好食呀!有阵镬㶶味, 但绝冇炒㶶面/食材, 面好爽, 弹, 干身, 冇乜油剩晌碟.
柠茶, 唔够冻... 唔够饮...奶茶, 朋友话唔合格, 都系饮汽水啦!
鱿鱼河(十几蚊), 好多旧鱿鱼(相入面已经食左几旧) , 系水鱿鱼, 问佢要辣椒油, 佢比左D咖哩辣油, 朋友话都几好味~猪手河(十几蚊, 冇影相), 系南乳炆, OK好味.
因为好肚饿, 决定试埋佢既公司炒面(类似招牌菜咁), 原来即系炒斋面加鱿鱼, 牛肉, 猪肉, 咁就DOUBLE价钱了! $28期间我地2个公司炒面严重漏单, 人地食完我地都未有... 追左几次, 最后都有得食...
仲叫左支可乐, 埋单有5毫子零头真系唔知佢点计, ANYWAY, 4个人每人$40有找, 饱饱.
运另一条路走, 顶... 过条天桥行7分钟就系议事亭啰! 这么远原来其实那么近!
可能真系又攰又好饿, 觉得特别好食, 下次识黎再试干炒牛河, 应该唔差得去边!
张贴
