李康記豆腐花 (已結業)

记得好耐之前有个朋友介绍我试呢间舖头食豆腐花, 印象中的确系好滑! 佢仲话呢间豆腐花舖既豆腐花系全澳门最滑最好味tim!!所以我同其他人黎亲澳门, 点样都会黎呢度食番碗! 不过今趟就有少少唔同, 自己一心想试多d之前仲未试过既食品, 所以起初冇谂住食喇! 点知男朋友话今次好想再食...咁又黎食喇!舖头十年如一日冇变过, 有时都觉得澳门有呢度好, 无论新建设与旧景物都可以互不相干地一直并存下去, 相映成趣! 旧有既街道商舖就好似永远凝结在某一个时光一样, 要几时重温就几时重温得到....讲真果句, 李康记既豆腐花其实系冇乜豆味既, 如果一心想黎食一碗豆味好浓既豆花就请去别家吧! 但讲滑溜程度, 呢度确系一绝!! 其实我相信无论本地人或外来客点解咁多年都咁长情要来吃豆腐花, 当中一定有其原因既! 大概都系钟意佢既滑溜口感同佢系清甜! 十居其九既食客都会order要加花奶, 冇错! 加花奶真系更加好味架!! 记得我第一次带男朋友黎食既时候佢话冇豆味麻麻地, 但今次佢竟然主动话黎食真系有少少意外架, 哈! 佢话因为真系好滑好清好解渴wor! 佢仲一口气连食两碗tim, 劲!! 我自己就食一碗喇