影片
更多
2010-10-24
80 浏览
打电话去订位, 不过星期一晚人唔多, 餐厅只有一半full.呢间位于住宅区的餐厅, 就算路过, 睇个款, 都以为是会员制. 胆小如我, 若非得到传媒介绍, 绝对唔敢推门入内帮衬.里头又真系饭堂格局, 胜在地方干净, 服务员好有礼貌.两个人, 真系唔可以大龙鳯, 系咁意点了几个菜.餐酒点了今期推介的Roquevale Tinto 2005, MOP160, 冇预期葡国酒的泥土味, 唔知唔做特价时几钱呢?1. 薯仔青菜汤(MOP36), 老公好快饮哂, 连相都影唔切, 佢话汤里头有切薄片的葡式香肠, 比以前饮过同类汤惹味.2. 我点了蔬菜沙律(好似系MOP60), 个汁酸咗啲, 碟沙律的份量, 我谂系俾六个人食的, 唉, 两个人......3. 烩牛舌 (MOP70), 好味好味好味, 若果炆多半小时腍啲啲仲好食添.4. 葡国鸡(MOP65例牌), 呢个系无意中叫的, 本来我想叫非洲鸡, 但老公话想试葡国鸡, 我一向唔钟意葡国鸡阵椰汁味, 但老细出到声咪迁就下佢啰, 点知呢度啲葡国鸡落椰汁好轻手, 重香料味, 而且跟饭, 啲汁渗透入鸡肉里面, 真系好食到唔停得口.5. 木糠蛋糕(MO
呢间位于住宅区的餐厅, 就算路过, 睇个款, 都以为是会员制. 胆小如我, 若非得到传媒介绍, 绝对唔敢推门入内帮衬.
里头又真系饭堂格局, 胜在地方干净, 服务员好有礼貌.
两个人, 真系唔可以大龙鳯, 系咁意点了几个菜.
餐酒点了今期推介的Roquevale Tinto 2005, MOP160, 冇预期葡国酒的泥土味, 唔知唔做特价时几钱呢?
1. 薯仔青菜汤(MOP36), 老公好快饮哂, 连相都影唔切, 佢话汤里头有切薄片的葡式香肠, 比以前饮过同类汤惹味.
2. 我点了蔬菜沙律(好似系MOP60), 个汁酸咗啲, 碟沙律的份量, 我谂系俾六个人食的, 唉, 两个人......
3. 烩牛舌 (MOP70), 好味好味好味, 若果炆多半小时腍啲啲仲好食添.
4. 葡国鸡(MOP65例牌), 呢个系无意中叫的, 本来我想叫非洲鸡, 但老公话想试葡国鸡, 我一向唔钟意葡国鸡阵椰汁味, 但老细出到声咪迁就下佢啰, 点知呢度啲葡国鸡落椰汁好轻手, 重香料味, 而且跟饭, 啲汁渗透入鸡肉里面, 真系好食到唔停得口.
5. 木糠蛋糕(MOP18), 甜品就失手啦, 蛋糕明显雪得太冻, 水多过奶, 水份仲雪成冰, 好嚡口, 不过收18蚊, 要求唔可以太高罢了.
下次要班马去叫多几样嘢至得.
张贴
