青洲灶記咖啡 (已結業)

喺旧城区行耐咗又热又攰，所以嚟咗呢间颇有名气嘅茶餐厅食啲小食。唔洗点排队，但系都满座，应该系澳门人嘅地道食堂😬😬😬我地三个人叫咗个奶油猪、猪扒包同菠萝油，价钱亦好街坊价。只系呢三样嘢都好邪恶，卡路里应该爆哂灯，但系全部三个包都好松脆，而且块猪扒又好嫩，所以都食得好滋味！朋友话佢杯奶茶都好好饮，冇试过但睇样都唔错😄 不过澳门仲有好多呢啲其他小店，听讲间间都系咁好食添，所以下次再嚟都未必再嚟呢间食下午茶喇。