影片
更多
2012-08-09
1340 浏览
第二次黎到新葡京嘅自助山食，上次系零九年嘅事，本来觉得几好，但系今次完全失望，仲食到有火。火系因为啲人唔排队，一个人排十几人插入黎，一攞就攞哂成盆，大家文化唔同，真系好难同啲强国人争食，除非自己都一样做啲无品嘅行为。唔讲咁多，讲左食物先。其实一向都唔太食自助餐入面啲熟食，所以主攻鱼生同点心。鱼生好新鲜，好味，有三文鱼，呑拿，鱿鱼，墨鱼，红鸡鱼。寿司就有太卷，蛋，鳗鱼等，都几多款拣。几好，不过略微唔够醋味。点心食左虾饺，烧卖，云吞咁。好食，大大粒，虾爽口，弹牙。另外个印度咖喱加薄饼都值得试，咖喱嘅香料味同辣味好正。沙律有新鲜生菜（不是西生菜），加上红腰豆，粟米，面包糠等，再配沙律醋一流。东荫功汤略咸，冻柠檬茶忘了走甜，都ok啦。转战甜品，芒果糕，红豆糕，椰汁糕同桂花糕都几得，甜度适中，滑口。芝士蛋糕必食！超正！！New York cheesecake啲芝味劲浓，又无过硬，满分，另外black forest，rasberry，chestnut等都好正，要食。还有这个coffee jelly都好正，好似食紧斋啡，但系又唔苦，上面加左淡奶，正！新鲜煎起嘅pancake都好食，料自己加。雪糕就普
火系因为啲人唔排队，一个人排十几人插入黎，一攞就攞哂成盆，大家文化唔同，真系好难同啲强国人争食，除非自己都一样做啲无品嘅行为。
唔讲咁多，讲左食物先。
其实一向都唔太食自助餐入面啲熟食，所以主攻鱼生同点心。鱼生好新鲜，好味，有三文鱼，呑拿，鱿鱼，墨鱼，红鸡鱼。寿司就有太卷，蛋，鳗鱼等，都几多款拣。几好，不过略微唔够醋味。点心食左虾饺，烧卖，云吞咁。好食，大大粒，虾爽口，弹牙。
另外个印度咖喱加薄饼都值得试，咖喱嘅香料味同辣味好正。
沙律有新鲜生菜（不是西生菜），加上红腰豆，粟米，面包糠等，再配沙律醋一流。
东荫功汤略咸，冻柠檬茶忘了走甜，都ok啦。
转战甜品，芒果糕，红豆糕，椰汁糕同桂花糕都几得，甜度适中，滑口。芝士蛋糕必食！超正！！New York cheesecake啲芝味劲浓，又无过硬，满分，另外black forest，rasberry，chestnut等都好正，要食。
还有这个coffee jelly都好正，好似食紧斋啡，但系又唔苦，上面加左淡奶，正！
新鲜煎起嘅pancake都好食，料自己加。
雪糕就普通啦，雪山雪糕，ok嘅，topping可以自己加。
仲有架绵花糖机，排太长龙所以无试。
总括黎讲食物系ok嘅，无左我至爱嘅生蚝，比嘅份量亦细左，其实都系任食，点解要唔比人呢？排鱼生同鲍鱼时，啲分野嘅侍应真系著块数比你，三文鱼比三块你，比多左一块个侍应都系你个碟到夹返走……仲要口黑面黑，我系黎食野唔系黎受气啰。
有小朋友点朱古力火锅时，张自己食过嘅竹签篶下一件食物，身旁嘅大人无阻止，仲篶埋一份，个朱古力喷泉就系咁沾上他俩嘅口水……
仲有，两个钟嘅时间太短，排队都占左大部份时间，食客同侍应都无礼貌，成个澳门大把自助餐拣，我唔会再返黎啰。
张贴
