影片
更多
2008-10-07
13 浏览
原来 buffet 真系可以咁多嘢食，自问食 buffet 从来唔会输比张枱，样样都要试匀嘅我，今次真系不得不承认嘞：边有可能试得晒吖？就算有啲嘢食想坐多一阵再 encore，最后都系无办法！9月18日，我同班同事一齐向自助山进发，去开吓眼界！自助山喺葡京2楼，一入到去就见到𠮶张唔知几呎长，但系我就喺香港未见过咁长嘅枱，唔好等，趁战斗力狂飙之际，我哋即刻开始！哗！食咩先好呢？都系照番平时食 buffet 嘅习惯开始啦！ 烟肉芝士焗蚝：冇生蚝，熟嘅都好啦！焗得都几香口，味道还可以，趁热食唔好等，唔系就会好腥！ 鱼生刺身：有三文鱼、拖罗、赤贝…一般味道，不过好多人排，我食过就算嘞！ 长脚蟹脚：要配给，味道有啲名过于实，无咩惊喜！ 冻肉：各类 cold cut，莎乐美肠，大大小小，真系咩国家都有呀！仲好好味添！ 巴马火腿：Prama Ham 卷哈蜜瓜，无得顶，太好味啦！忍唔住攞多咗添！ 沙律：净系要咗青瓜蟹子沙律，几清淡，用嚟清吓味蕾都唔错！ 磨菇忌廉汤：汤够 creamy ，又有磨菇味，稀杰适中，啲面包索晒啲汤仲好味！ 天妇罗：即叫即炸，够新鲜，虾同带子都好掂吖！ 中式点心：攞咗咸水角、虾
原来 buffet 真系可以咁多嘢食，自问食 buffet 从来唔会输比张枱，样样都要试匀嘅我，今次真系不得不承认嘞：边有可能试得晒吖？就算有啲嘢食想坐多一阵再 encore，最后都系无办法！
9月18日，我同班同事一齐向自助山进发，去开吓眼界！自助山喺葡京2楼，一入到去就见到𠮶张唔知几呎长，但系我就喺香港未见过咁长嘅枱，唔好等，趁战斗力狂飙之际，我哋即刻开始！
哗！食咩先好呢？都系照番平时食 buffet 嘅习惯开始啦！
烟肉芝士焗蚝：冇生蚝，熟嘅都好啦！焗得都几香口，味道还可以，趁热食唔好等，唔系就会好腥！
鱼生刺身：有三文鱼、拖罗、赤贝…一般味道，不过好多人排，我食过就算嘞！
长脚蟹脚：要配给，味道有啲名过于实，无咩惊喜！
冻肉：各类 cold cut，莎乐美肠，大大小小，真系咩国家都有呀！仲好好味添！
巴马火腿：Prama Ham 卷哈蜜瓜，无得顶，太好味啦！忍唔住攞多咗添！
沙律：净系要咗青瓜蟹子沙律，几清淡，用嚟清吓味蕾都唔错！
磨菇忌廉汤：汤够 creamy ，又有磨菇味，稀杰适中，啲面包索晒啲汤仲好味！
天妇罗：即叫即炸，够新鲜，虾同带子都好掂吖！
中式点心：攞咗咸水角、虾饺、烧卖，几好味！
水晶肉：够挺身，唔错啦！
蒜香骨：炸得啱啱好，冇咩油，可以一试！
千层面：连 Lasagna 都有？唔想食 Carbonhyrate 都唔得添！
串烧：大路嘢，OK啦！
烧牛肉：今晚最正一定系佢嘞，我都未食过咁厚又咁好味嘅烧牛肉，肉汁丰富，嫩滑味美！ 香港啲自助餐烧牛肉纸咁薄，有时未试真啲味道就已经唔觉意吞咗啰！我食咗好大碟呀！
甜品：我攞咗 macaron 法式杏仁饼、puff 泡芙、Tiramisu 意大利芝士蛋糕、法式焦糖炖蛋 French Creme Brulee、朱古力慕丝 Chocolate Mousse、pancake 配 vanilla 雪糕…样样都咁好味！
食饱之际竟然见到就嚟失传，要食只可以喺高级餐厅先至食到嘅甜品：Crêpes Suzette 橙酒 Crêpes，天呀！真系食唔落㖞！好似好正咁添呀！劲无奈~
食到唔郁得，但系真系好满足！要喺香港咁食法，可能要去几间先有齐咁多嘢食，呢度一次过满足晒几个愿望！真系 Buffet animals 嘅天堂~ Crêpes Suzette 我一定会番嚟揾你！
张贴
