澳門大利來記豬扒包 (已結業)

今日黎到官也街，一定要食下猪扒包既。其实经过好多次个门口都无缘食到。一系就食饱先黎，一系就多人到唔想等位。。。难得今日系平日，一于搏一搏啦。下午2点出炉猪扒包，我2:45pm去到，果然系平日呀，真系无人排队呀!!!! 走左上楼上坐，无锦嘈。。。黎得哩d出名既地方食，都预左服务态度差差地架啦，好似唔忧无生意锦款，果然哩间都唔例外。侍应讲野有少少悔气，不停催你落单。讲真，对于第一次黎既我就要睇下餐牌，要d时间念下食咩架啦。算啦，一早预左，何况唔洗等位有得食就算啦!叫左2个猪扒包，1个菠萝猪扒包，1支大可乐，一罐芬达。野食黎到梗系要相机食先，跟住就开餐! 讲真，唔系D人讲到锦好食啰，个包有少少硬而韧，不过猪扒系煎得几香既。之不过。。。如果吸一吸油先夹入个包会更好。我地肚饿所以好快食完，同时店员亦都好快锦收晒D野，再写埋纸仔叫你拎去埋单。哩方面有点不满，有赶客既感觉，我又唔系念住坐系度好耐，但食完要你即走既感觉一D都好唔受啦!食后感，食哩个猪扒店系纯粹食个店名，可能其他小店制作更有心，更值得我地帮衬下。