群芳 (已結業)

专登由香港搭船过澳门食一餐，失望至极。本来听朋友讲话呢间自助餐抵食夹大件，首推龙虾，但去到连个壳都见唔到，问个服务员，佢话外面落雨烧唔到，都算啦。再讲即开生蚝，个size细过我阿妈煲汤d蚝豉。之后说好的鹅肝由开始到食完都见唔到影。d鱼生好心摆到干晒水就唔好拎出嚟啦。D蟹唔错，但可惜个size同虾差唔多大细。食左成晚，唯一亮点系d咖哩，由于其他食物质数奇差既情况之下，个咖哩的确唔差。其他嘢食都系离晒大谱。又话食到11点，但系10点钟松d就开始执嘢，生果都嚟唔切食就连个盘都搬埋入去洗，咁都够胆收人几百蚊。痴。胶。线。