六記粥麵

营业中

休息中

与三五知己过澳门玩两日，少不免吃货，住十六浦又点会唔黎六记食蟹粥呢!!昨晚满心欢喜由酒店行去六记点知闩左门，门口贴住张纸条写住"5月24-25号休息"，失望之际就去左附近某店晚餐，今日我地又再次期待，未够6:00我地就去到，由于佢地开6:30，所以我地乖乖揾位坐底边睇餐牌边等，我地叫左一个中型蟹粥、抄蚬同炸鸳鸯，蟹粥都唔错，有蟹味，炒蚬冇惊喜，好一般，炒鸳鸯都唔错，不过我地唔敢点汁食，因为……铺头有乌蝇就一啲都唔出奇，但成群乌蝇系啲豉油同蚬蚧上面停留，店员照冇野咁俾果啲汁我地真系唔太有胃口，其中有位燥底阿姐当正我地系衰人咁，不断黑口黑面细声闹我地，问个厕所系边又话我地麻烦，叫佢拎个餐牌又叫我地问返楼面，一路食一路有大量蚊仔飞下飞下，冇哂食欲，下次打死都唔黎…