影片
更多
2008-11-27
34 浏览
上星期过左澳门做野，攞住本天书，同同事食匀早午晚三餐。有d铺头名过其实，无想像中咁好味；有d虽然好味，但价钱就「拿脷」。终于系最后一晚嘅星期五，同亲戚一齐食饭，表妹介绍左呢间《蕃茄屋》，一行6人，订左8点半。由于间铺唔系大路，如果无熟人带路，应该都要花d时间揾一揾。准时去到，店铺唔大，但环境及卫生都ok，感觉几企理。一望餐牌，d价钱都几大众化，我地叫左一个4-6人嘅套餐$250，已经有咖哩崩沙牛腩，葡式吉列猪扒、薯茸马介休、蟹子三文鱼炒饭、葡式焗什菜、生果沙律、2份蒜茸包。咖哩崩沙牛腩实在太好味，煮得好入味，好腍，连我90岁嘅婆婆都食到，d汁又够多，捞饭一流。蒜茸包，唔系一般白面包，而系猪仔包，蒜茸味够，猪仔包够脆口，点埋咖哩汁，食到唔停得口。薯茸马介休，焗得啱啱好，，面头脆脆地，d薯茸又够滑，稍嫌马介休唔够多。蟹子三文鱼炒饭，炒得几好，蟹子同三文鱼粒又够多。葡式吉列猪扒，炸得刚刚好，唔会油，里面又够juicy。葡式焗什菜，味道唔错，几大份，可以平衡番食得太多肉嘅感觉。生果沙律，份量ok。由于牛腩有好多汁，唔好浪费，所以叫多2个白饭，用黎捞埋d咖哩汁，一d都无剩。由于众人比较大食，又再
有d铺头名过其实，无想像中咁好味；有d虽然好味，但价钱就「拿脷」。
终于系最后一晚嘅星期五，同亲戚一齐食饭，表妹介绍左呢间《蕃茄屋》，一行6人，订左8点半。
由于间铺唔系大路，如果无熟人带路，应该都要花d时间揾一揾。准时去到，店铺唔大，但环境及卫生都ok，感觉几企理。
一望餐牌，d价钱都几大众化，我地叫左一个4-6人嘅套餐$250，已经有咖哩崩沙牛腩，葡式吉列猪扒、薯茸马介休、蟹子三文鱼炒饭、葡式焗什菜、生果沙律、2份蒜茸包。
咖哩崩沙牛腩实在太好味，煮得好入味，好腍，连我90岁嘅婆婆都食到，d汁又够多，捞饭一流。
蒜茸包，唔系一般白面包，而系猪仔包，蒜茸味够，猪仔包够脆口，点埋咖哩汁，食到唔停得口。
薯茸马介休，焗得啱啱好，，面头脆脆地，d薯茸又够滑，稍嫌马介休唔够多。
蟹子三文鱼炒饭，炒得几好，蟹子同三文鱼粒又够多。
葡式吉列猪扒，炸得刚刚好，唔会油，里面又够juicy。
葡式焗什菜，味道唔错，几大份，可以平衡番食得太多肉嘅感觉。
生果沙律，份量ok。
由于牛腩有好多汁，唔好浪费，所以叫多2个白饭，用黎捞埋d咖哩汁，一d都无剩。
由于众人比较大食，又再叫多个椒盐焗骨饭，同埋白汁海鲜意粉，全部清哂。
总数埋单MOP319，真系抵到拍烂手掌。
张贴