新海灣

营业中

休息中

去澳门当然要食葡菜啦，上网揾到一间酒店附近嘅葡菜小店。见Google 入面嘅评价唔错，所以决定试下。三个人去食葡菜其实都几难叫，所以只叫两样。先点一份炒蚬，嚟澳门次次都系必食。呢间嘅蚬够新鲜，唔系细细粒𠮶啲，有鲜味有咬口，十公欣赏。用面包点炒蚬汁食，更加滋味。尤其系佢嘅面包又滑又松化，真系劲好食！入得嚟嘅客人，都几乎会叫海鲜饭。用料新鲜，有龙虾、虾同蚬。呢个系汤饭，汤好甜，应该系海鲜同蕃茄嘅关系。颜色已够靓，龙虾弹牙，蚬同虾都新鲜。真系好吸引，无谂过咁好食。份量亦大，个海鲜饭其实够四个人食，好彩只叫两样！