影片
更多
2012-02-13
471 浏览
去到路环，逛过路环市区，揾个海堤旁树阴位睇睇书，原来都成2:30pm，系时候下午茶去，一心一意想去安德鲁花园咖啡餐厅嘅，同样目标清晰。下午茶时段唔算多人，唔使点等位就有得入。环境有啲逼，啲枱拍得无乜位行，被安排最埋墙嘅二人枱，感觉上冷气有啲唔够。幸好食物仍有水准，否则就要俾个喊面佢！葡挞MOP8依度嘅葡挞唔系即做，系附近街嘅老店做，再拎过嚟。有位落单先再放入焗炉轻轻翻热，所以，效果应该会打咗折扣。泰式鸡肉沙律 MOP42晌安德鲁食「泰式」沙律，都算有少少破格啩。不过，唔好理，个泰式鸡肉沙律确系正，有芹菜、青瓜、红葱头、蕃茜、车厘茄，以及好多鸡肉，配以鱼露、酸醋，非常醒胃，啱晒今日咁大热天时食。栗子芝士饼 MOP18咁嘅价一件芝士饼，真系好抵吓。栗子味劲重，相对地芝士味就比较薄，而且饼身口感稍为实咗啲，唔系摆得耐𠮶种「硬」，觉得系鱼胶落得多出嚟𠮶种「实」，欠缺咗芝士饼一向𠮶个柔软感。木瓜奶昔 MOP20、红萝卜苹果汁 MOP18木瓜奶昔好大杯，食唔饱都可以饮饱。虽然木瓜好够，但质感比较水，可能加奶或雪糕加得少，而且唔够冻，要问侍应再加加冰先OK。相反，老婆杯红萝卜苹果汁正好多，饮落红萝卜
葡挞MOP8依度嘅葡挞唔系即做，系附近街嘅老店做，再拎过嚟。有位落单先再放入焗炉轻轻翻热，所以，效果应该会打咗折扣。
泰式鸡肉沙律 MOP42
晌安德鲁食「泰式」沙律，都算有少少破格啩。不过，唔好理，个泰式鸡肉沙律确系正，有芹菜、青瓜、红葱头、蕃茜、车厘茄，以及好多鸡肉，配以鱼露、酸醋，非常醒胃，啱晒今日咁大热天时食。
栗子芝士饼 MOP18咁嘅价一件芝士饼，真系好抵吓。栗子味劲重，相对地芝士味就比较薄，而且饼身口感稍为实咗啲，唔系摆得耐𠮶种「硬」，觉得系鱼胶落得多出嚟𠮶种「实」，欠缺咗芝士饼一向𠮶个柔软感。
木瓜奶昔 MOP20、红萝卜苹果汁 MOP18木瓜奶昔好大杯，食唔饱都可以饮饱。虽然木瓜好够，但质感比较水，可能加奶或雪糕加得少，而且唔够冻，要问侍应再加加冰先OK。相反，老婆杯红萝卜苹果汁正好多，饮落红萝卜同苹果嘅味道比例50/50，好平衡，无话边个抢边个味！
张贴
