新波爾圖 (已結業)

畅游澳门嘅晚上，行下行下发现已经颇夜，又有少少肚饿，于是决定喺官也街揾嘢食。当时唔系好多铺头仲有开，行过见到呢间叫新波尔图嘅餐厅，门口几有葡国特色，选择唔多嘅情况下决定试吓呢间餐厅！见到餐厅有两枱都有叫呢个柠檬白酒炒蚬，所以我哋都叫来试吓。香港就唔多餐厅会有呢一个菜式，嚟到咁多葡国餐厅嘅地方，一于试试啦！睇落好似唔系好大碟，但其实两个人完全够分。白酒煮嘅时候酒精会挥发，剩低嘅味道同柠檬配合就成为呢个汁。首先试试个汁，有淡淡柠檬味几特别！主角蚬煮得刚好，颇有鲜味。另外仲有一啲生嘅蒜片，加上少少辛辣嘅味道，亦增加口感。另一道菜系香煎三文鱼扒伴意大利饭，意大利饭嘅酱系用香草同奶油煮成，食落会有淡淡奶香，但系质感控制得好好，唔太稠，食完个饭都唔会觉得好腻。饭就有少少过熟，但整体几好味！今次唔系太肚饿所以叫得唔多嘢食，下次一定返嚟再食，期待其他菜式。