影片
更多
2016-09-06
3825 浏览
今次同老婆细仔回港旅行，顺道过澳门逛逛，品尝一下葡国美食。两年前同大女去过小飞象，印象中食物还不错，晚饭时间热闹非常，既然有此经验，今次亦不作他想，结果中伏不而，更俾老婆诈型，差啲要游水番香港咁滞，真系多得小飞象唔少。上星期三六点钟去到，见到食客疏疏落落，心中暗叫不妙，不过既然嚟到，好歹都试吓啦。坐底睇睇餐牌，点了炭烧猪扒，茄汁海鲜焗饭，同埋葡国鸡半只。热猪仔饱先上，擦上牛油，ok. 老婆刚去完洗手间，话见到有女待应去完厕所无洗手，我讲笑话希望唔系啱啱拎猪仔饱嚟果个啦。好啦，闲话休题，首先系炭烧猪扒一步带出。三块中等大细嘅猪扒新鲜烧起，有些少炭香，尚可。 第二个跑出嘅系焗海鲜饭，卖相都可以，食吓食吓，老婆问我食倒啲乜嘢海鲜，我话好似暂时食到一只淡菜咁大嘅青口，老婆心水清，数吓先，一，二，三，四只青口仔加一只虾仁，其余嘅都系青椒洋葱蕃茄。你唔系嘛，收得人一百三十蚊俾啲咁嘅嘢人哋食? 你哋食水系咪深咗啲呀。好! 跟住系包尾嘅葡国鸡，白饭另叫。首先睇吓卖相，都呃得人。食落个汁好似萤光色桨糊，杰到冇朋友，碗白饭你敢收我廿蚊? 你有冇搅错呀?终于一肚气食完呢餐饭，老婆发哂难诈，佢话行出去俾钱同
上星期三六点钟去到，见到食客疏疏落落，心中暗叫不妙，不过既然嚟到，好歹都试吓啦。坐底睇睇餐牌，点了炭烧猪扒，茄汁海鲜焗饭，同埋葡国鸡半只。
热猪仔饱先上，擦上牛油，ok. 老婆刚去完洗手间，话见到有女待应去完厕所无洗手，我讲笑话希望唔系啱啱拎猪仔饱嚟果个啦。好啦，闲话休题，首先系炭烧猪扒一步带出。三块中等大细嘅猪扒新鲜烧起，有些少炭香，尚可。
第二个跑出嘅系焗海鲜饭，卖相都可以，食吓食吓，老婆问我食倒啲乜嘢海鲜，我话好似暂时食到一只淡菜咁大嘅青口，老婆心水清，数吓先，一，二，三，四只青口仔加一只虾仁，其余嘅都系青椒洋葱蕃茄。你唔系嘛，收得人一百三十蚊俾啲咁嘅嘢人哋食? 你哋食水系咪深咗啲呀。
好! 跟住系包尾嘅葡国鸡，白饭另叫。首先睇吓卖相，都呃得人。食落个汁好似萤光色桨糊，杰到冇朋友，碗白饭你敢收我廿蚊? 你有冇搅错呀?
终于一肚气食完呢餐饭，老婆发哂难诈，佢话行出去俾钱同收银反映一下呢啲所谓嘅葡国菜。果位收钱嘅亚叔听完之后，头都唔驶抬，指吓隔离另外一位亚叔，大家都面无表情，咁即系点呢? 系咪日日都听到客人投䜣听到麻木咗? 好，我哋发誓将呢间嘢列入黑名单，永不回头，仲同佢大卖广告添。你哋咁做生意，唔怪得之越做越静啦，祝你好运。
张贴
