沙利文餐廳

营业中

休息中

每次去澳门，都会拣食返葡国菜，一来系好食D，二来大把选择，KEEP住次次嚟都有新鲜感。今次拣沙利文因为佢近新马路，就脚之余又成日见D旅游书介绍，点知就中招！叫咗4个DISH：葡国菜汤上枱时侍应拎个煲出嚟喺你面前"毕"落碗到，PRESENTATION唔错；而呢个汤，好足料，无味精，有儿时最爱字母粉喺汤里面，系全餐最好食嘅一个DISH。炒杂菜正常炒杂菜，合格。烧西冷扒牛扒无味，韧到爆，连DD炭烧味都无。海鲜大会个茄汁有阵罐头番茄味，超多薯仔，占全锅𩠌嘅50%，鱿鱼再占30%，加4只无虾味雪藏虾，最好食、有鱼味嘅斑球3旧，同埋洋葱、番茄咁，就制成呢煲海鲜大会。灰！叫𩠌后必送嘅切片法包，唔热唔脆，只有面粉味，都几难食，平时必清面包嘅我都食唔落口。