小窩 (已結業)

好多葡国菜餐厅都名过于实。。啲嘢又贵又咸。。啲肉又韧又鞋。。所以我好努力揾唔同嘅餐厅。。呢间小窝网上评论得好少。。不过都系好评。。加上近官也街。。就即管试下。。上到的士。。司机话冇听过。。call上台都冇人识。。最后我哋喺北帝庙附近落车。。行入巷仔揾。。舖面唔明显。。真系兜咗阵先见到。。唔知系咪因为闲日夜晚。。得两三台客。。静静哋都好嘅。。装修都几靓。。不过有部电视机播住大台。。有啲奇怪。。一开始食个餐包先。。外脆内软。。差啲想encore。。不过都系留肚食其他嘢。。（对小朋友嚟讲面包皮就硬咗少少。。）叫咗南瓜汤同薯蓉肠仔汤。。我唔食南瓜。。唔知个汤好唔好饮。。不过小朋友就饮到唔停口。。薯蓉汤都算滑。。几好饮。。但唔重薯仔味。。有少少失望。。烤乳猪就真系好出色。。皮脆肉嫩。。一啲都唔油腻。。亦唔会烧到干晒。。唔使点汁都得。。但又唔会劲咸。。伴碟嘅菜都新鲜爽脆。。饭就冇乜特别。。葡式海鲜饭都几出色。。份量唔少。。佢写明系2人份量。。但如果比较细食。。3、4个人食都得。。几足料。。有虾、蚬、青口、带子。。肉质几好。。但唔系太食得出鲜味。。应该去晒啲饭度。。净食饭都觉得好好味！不过有少少辣。