影片
更多
2008-12-30
102 浏览
喺澳门食葡国菜有平有贵，丰俭由人，要又平又正，我就推介呢间林记烧烤，唔好睇佢个名就以为全部都系烧烤食物，佢都有唔少葡国菜、仲有日式烧烤、泰国菜、连桥底辣蟹、潮州冻蟹都有，可以话系多国菜！ 虽然地区好似吊脚啲，其实搭巴士都好方便，为咗食好嘢，捐窿捐罅周围行我都在所不辞，今晚我哋山长水远又嚟呢度食平靓正葡国菜： 法式炒花甲王：原本想叫泰式烧花甲王嘅，不过问过店员法式即系点整后，我哋就即刻改变咗主意嘞！呢个法式炒花甲王有啲葡国肠、红椒丝、葱同埋洋葱一齐煮；花甲好大只，颜色鲜艳，睇嚟好新鲜！味道好鲜甜又冇沙，个汁出呼意料之外嘅清甜，点包太稀，就咁饮好似海鲜清汤，正！ 葡式逼咸牛脷：牛脷好重牛味，但一啲膻味都冇亦冇筋，质感稔滑而且入口即化！ 配嘅汁有蕃茄味同有少少辣，好香浓又好惹味，点猪仔包一流！ 同煮嘅仲有炆得好稔嘅薯仔、红萝卜、蕃茄、红腰豆、洋葱、椰菜同葡国肠，配料丰富，份量好多，好大堆头好满足！ 蒜子烧牛膝：呢个系今晚最贵嘅，$90而且系最后先到，嚟到嘅时候已经起晒肉，嚿骨就放喺侧边，可以见到啲肉起得好尽，因为嚿骨头一啲肉都见唔到，啲烧牛膝肉排得颇整齐，卖相几好；面头有好多烧过嘅蒜子，发出
喺澳门食葡国菜有平有贵，丰俭由人，要又平又正，我就推介呢间林记烧烤，唔好睇佢个名就以为全部都系烧烤食物，佢都有唔少葡国菜、仲有日式烧烤、泰国菜、连桥底辣蟹、潮州冻蟹都有，可以话系多国菜！ 虽然地区好似吊脚啲，其实搭巴士都好方便，为咗食好嘢，捐窿捐罅周围行我都在所不辞，今晚我哋山长水远又嚟呢度食平靓正葡国菜：
法式炒花甲王：原本想叫泰式烧花甲王嘅，不过问过店员法式即系点整后，我哋就即刻改变咗主意嘞！呢个法式炒花甲王有啲葡国肠、红椒丝、葱同埋洋葱一齐煮；花甲好大只，颜色鲜艳，睇嚟好新鲜！味道好鲜甜又冇沙，个汁出呼意料之外嘅清甜，点包太稀，就咁饮好似海鲜清汤，正！
葡式逼咸牛脷：牛脷好重牛味，但一啲膻味都冇亦冇筋，质感稔滑而且入口即化！ 配嘅汁有蕃茄味同有少少辣，好香浓又好惹味，点猪仔包一流！ 同煮嘅仲有炆得好稔嘅薯仔、红萝卜、蕃茄、红腰豆、洋葱、椰菜同葡国肠，配料丰富，份量好多，好大堆头好满足！
蒜子烧牛膝：呢个系今晚最贵嘅，$90而且系最后先到，嚟到嘅时候已经起晒肉，嚿骨就放喺侧边，可以见到啲肉起得好尽，因为嚿骨头一啲肉都见唔到，啲烧牛膝肉排得颇整齐，卖相几好；面头有好多烧过嘅蒜子，发出阵阵诱人嘅香味！配汁系黑椒汁，热辣辣亦好香浓惹味！牛膝肉外层烧得有啲焦香，边沿较薄嘅位置好脆，内里的肉仍然好幼嫩，肉汁丰腴，相当美味，真系值得等！
猪仔包：猪仔包外形饱满够大个，送上枱嘅时候有啲冻咗，不过仍然外脆内软，质感绵密，系用嚟点有汁菜式嘅必配之选，全场张张枱都有，都咪话唔夸张！
呢间烧烤店冇乜装修，不过占地颇大有上下两层，下层较少人，上层就晚晚爆满，佢都有细厅房，一班人聚餐都可以！店内用嘅家私都系好普通嘅大方枱同埋有背椅，不过点菜方式就几先进，每个店员颈上都挂有一张擦卡，你点完菜佢即刻喺挂墙嘅轻触式电脑上落单，悭番好多时间，好揼本！店员招呼周到，有问必答，虽然做街坊生意多，对我哋呢啲游客都好细心介绍菜式，唔错！呢排佢又出新嘢嘞，叫御寒三宝：羊颈煲、羊蹄煲，揾日会再嚟试吓！
张贴
