新武二廣潮福粉麵食館

营业中

休息中

要食好嘢唔一定要贵, 平嘢都有令你回味无穷嘅能力。 呢个蚝仔米粉, 我第一次同佢相遇, 系3年前, 拍摄饮食节目「澳门诸事喱」时, 喺佢间离𠮶间「佛笑楼2」等开镜, 于是, 衬有空档即去隔离食个LUNCH。虽然只系十几蚊, 不过D 蚝仔劲肥, 劲大只, 而且非常鲜甜, 加埋汤底好味得嚟唔味精, 仲有炸蒜香, 香葱同冬菜, 未食已经香味扑鼻。 如果系嗜辣嘅朋友, 就更加会爱上呢度嘅腌酸青尖椒。佢好酸, 好鬼酸, 不过佢亦好辣, 劲鬼辣。当2种味撞埋一齐, 哇~~~ 正呀!!! 你食过就会明白有几好。 食尖椒时由个尖尖咬落去, 然后啜一下D 汁, 劲辣到舌尖有点发麻, 同时又有非常惹味嘅醋酸味, 口水直流...好正呀! 工作过后, 我一直都记住呢碗粉~~ 往后3年, 每次无论在公在私, 去到澳门我都一定会去呢度再食一次。识去嘅人唔多, 只有澳门人识去, 游客只会当佢系流嘢, 但识食嘅就会当佢系宝~! 有机会就去试吓啦~~好嘢嚟架~~ 最好下午3点左右去, 一来份量细细可以当TEA食; 二来太早去到无蚝仔卖, 中午时间超多学生同上班族去, 所以都系3点后去最好。