法蘭度餐廳

营业中

休息中

第1次嚟黑沙海滩呢边，知道有呢间都算好耐嘅葡国菜餐厅，所以12点前已经排队等开门，去到都已经有几个family向到等紧，然后陆续都有人排队，看似真系几出名咁，等到侍应带位，到落完单，基本上已经满座。烧乳猪- 葡菜我一定会必点嘅，呢间个皮都系好脆 肉质都好滑，仲配薯条同沙律菜，必食！！炒蚬- 好入味，好多蒜蓉，味道又唔同平时食嘅豉椒炒蚬，整体嚟讲都好好食。马介休球- 又系必点葡菜，好香嘅鱼味，初初以为应该会好咸，但食落又唔会。酿鱿鱼- 几特别，同埋啲鱿鱼几有咬口，不过个人觉得偏咸，如果有白饭就会比较好。SANGRAI- 唔太好饮酒嘅我，最后都饮左两杯，佢嘅酒味系偏淡易入口嘅。