金利麵食

营业中

休息中

周末去咗澳门玩，除咗试咗猪扒包同埋葡挞等等地道小食，亦都上网睇到呢间金利食店，听人讲最出名系咖喱鸡米粉，一场嚟到梗系要试吓。去到门口见排晒长龙，就知道一定有返咁上下水准。好彩都好快有位，虽然地方比较浅窄，但系咁先至够地道风味㗎嘛。坐低就叫咗个咖喱鸡汤米，当然要大辣啦，碗野嚟到见到咁多辣椒油喺面就心谂冇死啦，就算唔够味都起码够辣。食咗第一啖之后，我就知道自己谂多咗，除咗够味之外，仲好好味，香浓嘅咖喱汤底配埋嫩滑嘅鸡，食完一啖又一啖，好快就食晒，如果唔系见咁多人等紧位，又要赶住去赌场，我一定嗌多碗嚟食，而家有啲后悔，返到嚟香港都仲系念念不忘。