樂宮美食中心

营业中

休息中

工作需要港澳两边走，门面看似普通酒店餐厅，或者形容为茶餐厅都唔过份，午饭时间比较多人，求其坐低就睇餐牌，行政午餐MOP$65，一啲都唔算贵，楼面姐姐问我食乜，我反问佢有咩好食，佢话未食过就试下酸菜鱼饭啦，心谂：呢但隔局你介绍我食酸菜鱼？卖唔晒揾我食？唔紧要，试下唔驶死，难食当减肥，等咗一阵，例牌俾杯茶你先，一饮之下有惊喜，唔系九流茶底茶，唔涩唔鞋口，竟然系老树铁观音，赞！酸菜鱼嚟喇，即试下汤头，香酸辣味都好够，鱼片滑，咸度适中，酸菜够出味，食落口唔会太酸太咸，仲有少量粉丝底，超赞！性价比高，嚟蒲京我会推介！