新明珠美食之家 (已結業)

澳门同事话去食水佬荣 (其实我想纠正一下, 间舖名应该叫做"新明珠之家", 但佢舖头出面会写住由水佬荣主理, 系个人名黎架!), 一定要去呢间, 近关闸呢间先好味!!今次去澳门玩, 第1晚既晚餐就去左呢间~其实今次系第2次黎架咋, 上次令我同事带我黎, 食过番寻味, 所以自己去澳门都要带埋朋友一齐去! 可能夏天既关系, 都冇乜人, 几好!2个人竟然食左咁多野!首先当然叫左个花甲蟹辣煲(少辣), 2个人咁少, 所以叫左佢拣只最细既蟹啦! 因为肉蟹$144/斤, 糕蟹$176/斤, 一只都成1斤几, 所以好贵架! 我地叫左肉蟹, 鲜味d, 1斤9两, 好贵!果然, 只蟹真系好鲜味~ 劲多劲多花甲, 可能因为得2个人食啦~ 我上次食就一大班人, 所以觉得唔系几够喉, 但今次真系劲多, 食黎食去都仲有, 其实真系食一个煲都够, 但我地又为食, 所以仲叫左肥牛、手打墨鱼丸同埋生菜。劲饱! 肥牛普通啦, 因为唔系靓野, 可以不叫。手打墨鱼丸都算系佢地既招牌之一, 可以一试, 系几弹牙架呢间野未必好多游客识, 但系澳门人实识, 同埋花甲蟹煲香港好似冇乜得食, 都几特别架!