影片
更多
2008-10-22
50 浏览
今日同两个都系喺澳门做嘢嘅旧同事兼朋友一齐食晚饭，去咗呢间佢哋介绍嘅林记烧烤，场内好热闹，我哋叫咗： 蒜蓉包：香口，够身，好多蒜蓉，好鬼脆！ 炸马介休球：啲味好浓，鱼味好出，皮好脆，但入面啲纤维好幼细，最劲系食唔到一丝丝嘅鱼肉，因为鱼肉已经同薯蓉紧紧融合，有鱼系入面但系你食唔出，有别于一般鱼球！一定要试！ 葡国鸡：中规中矩，未够沙利文好味，胜在不油腻！ 烧羊架：呢个佢哋出晒名， full portion 叫「羊十一」，即系有十一条骨，半份有 6 条，当佢上枱到我举机影相一刻，前后不过3 秒，已经得番 4 枝，再唔快啲可能得番啲骨，可以想像吓有几好味嘞！肉质好嫩，佢系一层面包糠包住一层芥辣再烧，烧到啱啱离骨。一入口有好浓芥辣味，有啲似日式 wasabi 咁呛鼻，但随后就食到鲜嫩嘅肉味，手快有，手慢冇！ 猪仔包：澳门特色，外脆内软，叫嚟系点葡国鸡嘅，唔错！ 黑椒牛柳：大惊喜！ 喺餐牌上面见到呢样卖四十几蚊嘅黑椒牛柳，起初唔敢叫架，不过谂住试吓冇坏就叫咗一个五成熟，嚟到份量都唔少，侍应即刻帮我哋淋黑椒汁，切开试一啖，肉质好稔，好软，肉味好浓又多肉汁，真系做到五成熟，绝对超值，咁嘅价钱，喺边度
今日同两个都系喺澳门做嘢嘅旧同事兼朋友一齐食晚饭，去咗呢间佢哋介绍嘅林记烧烤，场内好热闹，我哋叫咗：
蒜蓉包：香口，够身，好多蒜蓉，好鬼脆！
炸马介休球：啲味好浓，鱼味好出，皮好脆，但入面啲纤维好幼细，最劲系食唔到一丝丝嘅鱼肉，因为鱼肉已经同薯蓉紧紧融合，有鱼系入面但系你食唔出，有别于一般鱼球！一定要试！
葡国鸡：中规中矩，未够沙利文好味，胜在不油腻！
烧羊架：呢个佢哋出晒名， full portion 叫「羊十一」，即系有十一条骨，半份有 6 条，当佢上枱到我举机影相一刻，前后不过3 秒，已经得番 4 枝，再唔快啲可能得番啲骨，可以想像吓有几好味嘞！肉质好嫩，佢系一层面包糠包住一层芥辣再烧，烧到啱啱离骨。一入口有好浓芥辣味，有啲似日式 wasabi 咁呛鼻，但随后就食到鲜嫩嘅肉味，手快有，手慢冇！
猪仔包：澳门特色，外脆内软，叫嚟系点葡国鸡嘅，唔错！
黑椒牛柳：大惊喜！ 喺餐牌上面见到呢样卖四十几蚊嘅黑椒牛柳，起初唔敢叫架，不过谂住试吓冇坏就叫咗一个五成熟，嚟到份量都唔少，侍应即刻帮我哋淋黑椒汁，切开试一啖，肉质好稔，好软，肉味好浓又多肉汁，真系做到五成熟，绝对超值，咁嘅价钱，喺边度揾？一定要食！
葡式杂菜：食咗好多肉，想食菜所以叫，普普通通咁，都可以嘅！
今晚好饱呀，好有惊喜好满足，有时间一定会再嚟！
张贴
