新帆船餐廳 (已結業)

落船第一站食饭就系呢度, 7 个女仔叫0左薯条炒马介休, 唔知乜0野白汁烩饭, 白汁芝士焗鱿鱼, 大虾沙律, 唔知乜0野汁0既ribs, 仲有一个一人份量, 一人分得两啖0既木糠布甸share 食.烩饭有少少似湿0既扬州炒饭, 不过d 汁有少少椰汁味咁, 几得意, 不过我只系食0左好少, 怕佢\太漏.薯条炒马介休配搭特别, d 薯条好脆一d 都唔会因为炒完腍晒, 仲黐0左少少咸咸0地0既鱼味, 好得意; 马介休块就ok 啦; overall 好好食.白汁芝士鱿鱼听落好滞, 我亦只食0左少少. 鱿鱼圈比鱿鱼须好食, 好滑好腍, 配埋d 白汁芝士好creamy 好好食!Ribs 同大虾沙律比较普通, 香港都食到之余, 有大把地方整得比呢间0野好食, 所以唔想讲咁多.木糠布甸其实都系, 不过系我第一次食, 所以觉得好特别. 好多饼碎, 下面0既布甸就似普通panacotta, 加埋口感几得意, 味道好fresh.环境ok, service 好好, 个个都好有礼貌, 又殷勤; 埋单约$120 一个人, 几抵食!