陳光記飯店

营业中

休息中

趁着圣诞假期去咗澳门一趟，听人讲呢间陈光记好出名，就特登搭车去食。一去到门口就排晒长龙。堂食就要排，外卖就唔使。买外卖嘅人10分钟左右就买到。不过，我哋谂唔到去边度食所以就排队堂食，叫咗一个最出名嘅黑椒烧鸭饭，同一碗净云吞。个黑椒烧鸭饭＄38，烧鸭都几多，饭都好大份，足够一个成年男人食饱。最重点系佢个黑椒汁，唔系剩系得辣味，食落有啲甜甜地，好啱送饭食，值得一试。但系，佢嘅云吞就麻麻地，个皮好厚，而且一夹就烂，味道普通啦，可以唔洗试。值得一提嘅系，铺头嘅员工好温馨，有讲有笑。隔离枱有个人留低左个袋，个员工就大喊，系咪送圣诞礼物俾我哋啊，唔记得拎野啦。顿时觉得间铺头都几有人情味。