澳門大利來記豬扒包 (已搬遷) 新店位置

唔食过猪扒包, 点算嚟过澳门呢…今趟澳门之行, 必到景点之一竟然系“大利来记餐厅”, 你班友仔吖, 果然为食 过人! 提一提大家先,〝大利来记餐厅”已经搬左去澳门氹仔告利雅施利华街35号, 旁边系路氹历史馆。 听朋友讲, 猪扒包亦同时改早左系下午两点出炉, 为求快人一歩, 我地即刻加快步程! 经过翻身装修后既“大利来记”, 外观明显清新醒神 ! 我地一行八人, 等左三分钟左右就有位了, 伙记哥哥仔安排我地上二楼坐, 二楼楼梯位当眼处漆上“大利来记”既生招牌, 还有Q版猪公仔 、汽水、大三巴等画作, 其他墙身则铺上绿色磁砖。点嘢食先……八个人叫左六个菠萝猪扒包，一个猪扒包，一个多士, 八杯饮品。唔好误会吖，唔系套餐，嘢饮要另计㗎！猪扒包就食得多，咸甜共食，有菠萝味既我就未试过lu……热辣辣好大个包同大块猪扒吖 ,  暂时顾唔到仪态住，一大啖咬落去……面包酥软，猪扒肉厚松软唔死实，唔干涩，仲有香茅味 呢！甜中带咸，菠萝皮酥脆，简直滋味无穷！唔使两个字就俾我ko了 ……"大利来记"，你系得既！