百家昌涼茶

营业中

休息中

嚟到十月初五街附近食完牛杂，有啲口渴，但系呢度揾七仔有啲难度，不过有好多嘢饮仲正过七仔，只要你肯试！行过少少有间百家昌，呢间凉茶舖都几旧式，灯光昏暗，卖嘅都系一般凉茶，不过我唔系要介绍佢嘅凉茶，而系要推介佢嘅曼球果膏！呢度嘅曼球果膏系采集曼球果等多种药果经提炼而成嘅健康中药食品，据老板讲其功能可以清热气、袪湿毒、利黄尿、清秽浊、滤肾脏、健脾胃！呢个膏质感几软，唔系好挺身，有啲似透明嘅凉粉，又有啲似啫喱！味道完全唔会有好难顶嘅药味，带淡淡嘅甜味，又清凉又解渴，估唔到凉茶舖都有咁正嘅甜品，清热气亦唔一定要挨苦！买嘅时候问阿叔呢啲系乜，佢笑笑口答你之余，仲卖吓广告，有趣！