金燕西洋牛油糕葡式食品

营业中

休息中

黎澳门之前已经做过吓research，唔想猪肉干𠮶啲做手信咁行，揾到呢间叫金燕既铺头 新闻都有讲过招牌系卖牛油糕，而整牛油糕既程序系非常复杂，有人用高价买配方，老板都坚持不卖咁样。喺市政厅附近揾到金燕，其实都几格摄，行到身水身汗，行斜坡都有啲辛苦咁一入到去都几热架，辛苦哂卖饼既伙记 入到去有得试食，伙记太忙 我地问准佢之后就自便喇，个人觉得松子曲奇最好食，其实个底系虫仔曲奇黎，不过加左松子，有多一份香。本身既牛油味极浓，唔系平时食开既牛油味黎，但好食。非常非常松化；心形同虫仔朱古力曲奇唔甜，不过唔够就咁牛油味咁松化；心形抹茶味曲奇都几重，不过略嫌太多芝麻。最后买左一百蚊四盒既礼盒装，反而抵啲。