影片
更多
2004-12-18
37 浏览
今次是我第一次去澳门玩，咁我朋友都未去过，所以去之前上网揾左好多资料。呢间餐厅系我地所揾既资料之中一致获得好评，所以我地第一晚就去左仔揾呢间餐厅。呢间餐厅位于官也街旁的横街，如果唔系之前揾左资料都未必识去。餐厅楼上是厨房，楼下可容纳20个人。我地六点钟去到谂住book位先，点知去到的时候已经俾人book晒位，好彩我地得两个人，勉强可以坐一张二人。Book位既时候，个阿姐不厌其烦解释我地对所有菜式的提问。佢仲极力推介焗葡国鸡($88)，话第一次去就一定要试，结果我地叫左半只焗葡国鸡同埋一个咖哩蟹($10/两)，只蟹仲系要特登去街市买。阿姐话D野食好大碟，叫两碟已经够晒饱，果然老实。之后我地七点钟再返去间餐厅度已经坐满晒人。我地叫左一樽水果酒($50)加七喜，支水果酒系老板自己酿制，用三种烈酒加水果而成，很容易入口，亦都很容易饮醉，我地都唔系饮得之人，所以叫左两罐七喜沟酒饮。但我地未上菜前饮左唔够两杯就已经面红耳赤。等左十零二十分钟就有野食，首先系焗葡国鸡，真系好大碟，一上香味扑面而来，买相同香港平时食开既好唔同，食落口一D辣味都无，最唔食得辣既我。跟住就系咖哩蟹，一样好大碟，D汁有小小辣
呢间餐厅位于官也街旁的横街，如果唔系之前揾左资料都未必识去。餐厅楼上是厨房，楼下可容纳20个人。我地六点钟去到谂住book位先，点知去到的时候已经俾人book晒位，好彩我地得两个人，勉强可以坐一张二人。
Book位既时候，个阿姐不厌其烦解释我地对所有菜式的提问。佢仲极力推介焗葡国鸡($88)，话第一次去就一定要试，结果我地叫左半只焗葡国鸡同埋一个咖哩蟹($10/两)，只蟹仲系要特登去街市买。阿姐话D野食好大碟，叫两碟已经够晒饱，果然老实。
之后我地七点钟再返去间餐厅度已经坐满晒人。我地叫左一樽水果酒($50)加七喜，支水果酒系老板自己酿制，用三种烈酒加水果而成，很容易入口，亦都很容易饮醉，我地都唔系饮得之人，所以叫左两罐七喜沟酒饮。但我地未上菜前饮左唔够两杯就已经面红耳赤。
等左十零二十分钟就有野食，首先系焗葡国鸡，真系好大碟，一上香味扑面而来，买相同香港平时食开既好唔同，食落口一D辣味都无，最唔食得辣既我。跟住就系咖哩蟹，一样好大碟，D汁有小小辣，但系好野味。因为我朋友食得辣，所以佢话一D都唔觉得咖哩蟹辣。我地叫左两客仔包点D汁食，虽然已经好饱，但D汁实在太好味，所以我地叫多一个饭捞汁食。我地都觉得D汁捞饭好食过点仔包。最后我地食晒D汁，反而剩返两旧葡国鸡食唔晒。
至于果樽水果酒，我地后尾加冰先可以饮得晒，加左七喜同冰沟淡左之后既味道同EL CID既水果酒差唔多。
食完餐饭之后，老板兼厨师落左楼下同每张倾偈，十分健谈。
唯一可挑剔既系价钱比较贵，我地食既咖哩蟹有成十九两重(个阿姐之前话大约十二至十四两架)，计番都要成$190，但就保证新鲜，因为只蟹系我地6点钟订落order之后先去街市买，唔系雪藏蟹。
张贴