檸檬車露 (已搬遷) 新店位置

去旅行就要有旅行嘅心态，喺街行行下自不然会想买杯雪糕食。见到间好多人食紧嘅，于是乎就入去望下发现好多种味道，心痒痒就买咗杯嚟食，今次嚟到「柠檬车露 LemonCello」。三球甜筒杯：柠檬车露、椰子、红蕃石榴其实正确嚟讲我喺买咗2球甜筒嘅，不过店员话加多只红色（红蕃石榴）俾我，色彩缤纷d，食得开心d。柠檬车露应该喺佢地嘅主打味，但老老实实真系食唔惯，因为真系超超超超超级酸，真系酸到五官都扭埋一团😖😖😖😖。钟意食酸嘅朋友仔，可以试下。椰子味我就觉得非常好食，唔会太甜，有阵椰子嘅清香。可能因为同柠檬车露嘅对比太强烈，令我觉得椰子味完胜一切😂😂😂。红蕃石榴都有酸味，因为俾柠檬车露嘅酸味吓衬，所以无用心去食个红蕃石榴，😅😅唯有下次再嚟认真试下。