葡景軒

营业中

休息中

今次去澳門就住咗氹仔嗰邊，冇做攻略之後隨便走走逛逛，搭的士問司機有邊間葡國餐廳介紹，佢介紹咗我哋。既然上咗的士，就順便直接去埋食晏！餐廳裝修擺設都幾有葡國特色，店員推薦我地試咗呢啲菜式：《酥皮蘑菇忌廉湯》酥皮好香脆可口，湯又香滑濃郁，淡淡菇香。《葡萄牙八爪魚沙律》八爪魚香軟彈牙，加上欖欖好開胃～《綜合葡式小食拼盤》主要係炸物，有四款，仲配埋芥末醬，好惹味～ 《正宗葡國雞》 好有椰香，撈飯一流！雞肉都滑。《白酒蒜蓉炒蝦》蝦好鮮味彈牙，加上用白酒煮好提鮮！下次嚟食晚飯先！