誠昌飯店

营业中

休息中

官也街的水蟹粥今次嚟到澳门玩，住咗巴黎人，就近官也街。听闻官也街的水蟹粥比较出名，而澳门朋友亦都推介所以，就试下呢个水蟹粥。我哋早咗大概六点到已经去食，人流冇咁多。两个人食，叫咗一锅水蟹粥，原来份量都非常之多，亦都有原只嘅蟹喺里面，鲜甜美味，粥底面滑，蟹肉亦都非常鲜甜。另外叫咗一个蟹膏蟹肉西兰花，呢个系非常失望嘅，绝对不推介！因为蟹肉不多，更淡而无味，仲要百多元一碟，相对水蟹粥比较系性价比高。当日我哋得两个人自己坐一张枱已是非常幸运，因见隔离大枱有三组人要搭枱，坐得非常不好。环境真系一般，坐坐下后面又有人，真系以背脊黐背脊。朋友说如果唔系好急，千万不要去厕所，因为去完厕所，你一定会唔开胃食唔落嘅。