洪馨椰子

营业中

休息中

同屈小姐食完Lunch啦～梗系要揾D甜品比佢作结啦！好彩赖生今次早有准备，拖住屈小姐黎到果栏街去食《洪馨》既椰子雪糕！听闻呢度既椰子雪糕系冇加奶冇加水，原个椰子整既，超浓椰子味，所以受到一众市民同游客热棒！去到只见到好多椰子挂系舖头，而舖头前面有一个雪柜放满用发泡胶杯装既雪糕，有椰子味，芒果味同香芋味！全部都系20蚊杯！赖生就叫左一杯椰子味雪糕同屈小姐share啦！一摆入口，屈小姐个样洋溢住幸福！赖生就知道面前呢杯椰子雪糕一定系好西黎啦！椰子雪糕 （5星）- 一入口劲重既椰子味涌入喉咙！打开盖都已经闻到好重椰香嫁啦！食落口真系不得了！真系食得出佢系原个椰子无添加！冇讲笑！- 质感系似将原个椰子打汁之后，再雪佢做雪糕(或者叫做实既沙冰会贴切啲)，啖啖都入口即融！食完令我地回想起系台湾九份食果杯豆腐雪糕既感动！屈小姐仲话下次黎澳门必食！#爱上妳食甜品的样子#与妳食好西缔造美好回忆#爱特浓原材料味的我俩#以舌头游尽世界 <3